ຕາລາງລາຍການ FM93Mhz

ຈຳນວນຜູ້ເປັນໄຂ້ເພີ່ມໃໝ່ຢູ່ ສປປ.ເກົາຫຼີມີ 1,8 ໝື່ນກໍລະນີ

2022-05-13 15:42:51 cri


ຂ່າວສານສູນກາງເກົາຫຼີເປີດເຜີຍໃນວັນທີ 13 ພຶດສະພາ 2022 ວ່າ: ວັນທີ 12 ພຶດສະພານີ້, ທ່ານກິມເຈິງອຸນ ເລຂາທິການໃຫຍ່ພັກແຮງງານເກົາຫຼີ, ທັງເປັນປະທານສະພາແຫ່ງລັດ ສປປ.ເກົາຫຼີໄດ້ສຳຫຼວດກອງບັນຊາການປ້ອງກັນພະຍາດສຸກເສີນແຫ່ງຊາດ ສປປ.ເກົາຫຼີ. ຂ່າວລາຍງານໃຫ້ຮູ້ວ່າ: ນັບແຕ່ທ້າຍເດືອນເມສາປີນີ້ເປັນຕົ້ນມາ, ໄຂ້ບໍ່ຮູ້ສາເຫດໄດ້ແຜ່ລະບາດຢູ່ທົ່ວປະເທດ ສປປ.ເກົາຫຼີຢ່າງໜັກໜ່ວງ, ຜູ້ເປັນໄຂ້ມີຫຼາຍກວ່າ 3 ແສນ 5 ໝື່ນກໍລະນີພາຍໃນເວລາສັ້ນ, ໃນນັ້ນມີ 1,622 ແສນຄົນໄດ້ເຊົາດີແລ້ວ.

ຂ່າວລາຍງານໃຫ້ຮູ້ຕື່ມວ່າ: ວັນທີ 12 ພຶດສະພານີ້, ໃນຂອບເຂດທົ່ວປະເທດ ສປປ.ເກົາຫຼີໄດ້ມີຜູ້ເປັນໄຂ້ເພີ່ມໃໝ່ 1,8 ໝື່ນກໍລະນີ, ມີຜູ້ເສຍຊີວິດ 6 ຄົນ (ໃນນັ້ນລວມທັງຄົນຈັບຜູ້ໜຶ່ງທີ່ຖືກບົ່ງມະຕິຕິດເຊື້ອພະຍາດໂຄວິດ-19), ປັດຈຸບັນມີ 1,878 ແສນຄົນກຳລັງກັກບໍລິເວນແລະໄດ້ຮັບການປິ່ນປົວ.