ນັບແຕ່ທາງລົດໄຟຈີນ－ລາວໄດ້ເປີດບໍລິການເປັນເວລາ7ເດືອນມານີ້，ນັບມາຮອດວັນທີ2ກໍລະກົດນີ້，ດ່ານພາສີນະຄອນຄຸນໝິງໄດ້ກວດກາແລະປ່ອຍລົດໄຟຂົນສົ່ງສິນຄ້າສາກົນຕາມທາງລົດໄຟຈີນ－ລາວ　ລວມທັງໝົດ1548ຂະບວນ，ໄດ້ຂົນສົ່ງສິນຄ້າລວມ781．400ໂຕນ，ມີມູນຄ່າ7，703　ຕື້ຢວນ，ສິນຄ້າຂາເຂົ້າຂາອອກກວມທັງຜະລິດຕະພັນກະສິກຳ　ຜະລິດຕະພັັນກົນຈັກເອເລັກໂຕຼນິກ　ຜະລິດຕະພັນບໍ່ແຮ່ແລະອື່ນໆລວມ　2000　ກວ່າຊະນິດ．

ເພື່ອຮັບປະກັນໃຫ້ຂະບວນລົດໄຟຂົນສົ່ງສິນຄ້າສາກົນຈີນ－ລາວມີປະສິດທິພາບສູງ，ດ່ານພາສີນະຄອນຄຸນໝິງໄດ້ຖືເອົາການຍົກຄຸນນະພາບຂອງການຄ້າຕ່າງປະເທດໃຫ້ສູງຂຶ້ນແລະຊຸກຍູ້ການສ້າງ＂ໜຶ່ງແລວໜຶ່ງເສັ້ນທາງ＂ເປັນເປົ້າໝາຍໂດຍໄດ້ຄົ້ນຄວ້າປະດິດສ້າງຮູບແບບການຜ່ານດ່ານແບບໃໝ່ເຊິ່ງໄດ້ຍົກລະດັບຄວາມສະດວກໃນການຜ່ານດ່ານຂອງທາງລົດໄຟຈີນ－ລາວໃຫ້ສູງຂຶ້ນຢ່າງຕໍ່ເນື່ອງ．

ອີງຕາມການແນະນຳໃຫ້ຮູ້ວ່າ：ເມື່ອໄດ້ນຳໃຊ້ຮູບແບບການຜ່ານດ່ານແບບໃໝ່ແລ້ວ，ສິນຄ້າສົ່ງອອກຈະເຮັດທຳນຽມແຈ້ງດ່ານແລະກວດສອບຢູ່ຕົ້ນທາງລ່ວງໜ້າ，ເມື່ອລົດໄຟໄປຮອດດ່ານພາສີແລ້ວ，ເຈົ້າໜ້າທີ່ດ່ານພາສີມີແຕ່ກວດກາຄວາມສົມບູນແບບຂອງຕູ້ຄອນເທນເນີແລະປ້າຍປິດແລ້ວກໍ່ສາມາດອະນຸຍາດໃຫ້ຜ່ານດ່ານໄດ້ຢ່າງວ່ອງໄວເຊິ່ງໄດ້ປະຢັດເວລາແລະຕົ້ນທຶນໃຫ້ໜ້ອຍລົງຢ່າງຫຼວງຫຼາຍ．