ຕາມຂ່າວCRI: ວັນທີ 18 ກໍລະກົດນີ້, ທ່ານເຊີເກ ລາຟໂຣຟ, ລັດຖະ ມົນຕີກະຊວງການຕ່າງປະເທດຣັດເຊຍໄດ້ພິມບົດຄວາມລົງໜັງສືພິມ “ອິສເວສດີ”ຂອງຣັດເຊຍວ່າ: ບໍ່ມີຫຼັກຖານສາມາດຢັ້ງຢືນໃຫ້ເຫັນວ່່າການທົດລອງຊີວະພາບທາງການທະຫານຂອງອາເມຣິກາຢູ່ອູແກຣນມີອັນທີ່ເອີ້ນວ່າ:ລັກສະນະ“ສັນຕິພາບ”ແລະ“ການໃຊ້ທາງພົນລະເຮືອນ”.

ທ່ານເຊີເກ ລາຟໂຣຟກ່າວຕື່ມວ່າ, ມີຫຼັກຖານທີ່ນັບມື້ນັບຫຼາຍກວ່າເກົ່າ ສະແດງໃຫ້ເຫັນວ່າ, ອາເມຣິກາໄດ້ນຳໃຊ້ຄຳວ່າສັນຕິພາບເປັນສາກບັງໜ້າ ດຳເນີນການທົດລອງກ່ຽວກັບພະຍາດທີ່ອັນຕະລາຍທີ່ສຸດ, “ເພື່ອສ້າງອາວຸດຊີວະພາບ”. ຫຼັກຖານທີ່ຖືກຄົ້ນພົບຜ່ານຂະບວນການເຄື່ອນໄຫວພິເສດທາງການ ທະຫານໂດຍທະຫານຣັດເຊຍສະແດງໃຫ້ເຫັນຢ່າງຈະແຈ້ງວ່າອາເມຣິກາໄດ້ຝ່າຝືນກັບ“ສົນທິສັນຍາຫ້າມແພ່ຜາຍອາວຸດຊີວະພາບ”.ຣັດເຊຍໄດ້ຍື່ນຫຼັກຖານທີ່ກ່ຽວຂ້ອງແລະຂະບວນການຮຽກຮ້ອງໃຫ້ອາເມຣິກາຊີ້ແຈ້ງໄດ້ເລີ່ມຕົ້ນແລ້ວ.