ຕາມຂ່າວCRI: ວັນທີ 21 ກໍລະກົດນີ້, ທະນາຄານພັດທະນາອາຊີຫຼື ADB ໄດ້ເປີດເຜີຍບົດລາຍງານ “ຈ້ອງມອງເບິ່ງການພັດທະນາທະວີບອາຊີປີ 2022” ເພີ່ມຕື່ມໂດຍໄດ້ປັບຫຼຸດຕົວເລກຄາດໝາຍການເຕີບໂຕດ້ານເສດຖະກິດປີ 2022 ຂອງປະເທດກຳລັງພັດທະນາຢູ່ພາກພື້ນອາຊີປາຊີຟິກຈາກ 5,2% ລົງເປັນ 4,6%.

ບົດລາຍງານລະບຸວ່າ： ຍ້ອນສະພາບພະຍາດໂຄວິດ-19 ຍັງສືບຕໍ່ລະບາດຢູ່, ວິກິດການລະຫວ່າງຣັດເຊຍ-ອູແກຣນ, ປະເທດທີ່ພັດທະນາແລ້ວໄດ້ນຳໃຊ້ ນະໂຍບາຍດ້ານການເງິນທີ່ຮັດກຸມແລະເຂັ້ມງວດກວ່າເກົ່າບວກກັບປັດໄຈອື່ນໆ, ແມ່ນສາເຫດ ຕົ້ນຕໍທີ່ເຮັດໃຫ້ຕົວເລກຄາດໝາຍການເຕີບໂຕດ້ານເສດຖະ ກິດປະເທດກຳລັງພັດທະນາຢູ່ພາກພື້ນອາຊີປາຊີຟິກຫຼຸດລົງ.