ກອງປະຊຸມເວທີປຶກສາຫາລືລະຫວ່າງສື່ມວນຊົນແລະຄັງປັນຍາຈີນ－ອາຊຽນປີ　2022ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ．ຫົວຂໍ້ຂອງກອງປະຊຸມແມ່ນ　＂　ການພັດທະນາຂອງທົ່ວໂລກ：ຮ່ວມຊາຕາກຳ　ປະສານງານການເຄື່ອນໄຫວ＂，ເຈົ້າໜ້າທີ່　ຜູ້ຮັບຜິດຊອບສື່ມວນຊົນຫຼັກ　ຜູ້ຕາງໜ້າຄັງປັນຍາແລະຜູ້ຊ່ຽວຊານ　ນັກວິຊາການຈາກຈີນແລະ　10　ປະເທດອາຊຽນໄດ້ເຂົ້າຮ່ວມກອງປະຊຸມດ້ວຍຮູບແບບອອນໄລແລະອອຟໄລເພື່ອດຳເນີນການແລກປ່ຽນກັນໂດຍປິ່ນປ້ອມການຊຸກຍູ້ການຈັດຕັ້ງປະຕິບັດຂໍ້ລິເລີ່ມກ່ຽວກັບການພັດທະນາຂອງທົ່ວໂລກ　ການຊຸກຍູ້ສາຍພົວພັນຄູ່ຮ່ວມຍຸດທະສາດຮອບດ້ານຈີນ－ອາຊຽນແລະອື່ນໆ．

ນັບຕັ້ງແຕ່ປະເທດຈີນໄດ້ສະເໜີອອກຂໍ້ລິເລີ່ມກ່ຽວກັບການພັດທະນາຂອງທົ່ວ　ໂລກເມື່ອເດືອນກັນຍາປີ　2021　ເປັນຕົ້ນມາ，ຂໍ້ລິເລີ່ມດັ່ງກ່າວໄດ້ຮັບການ　ຕອບຮັບແລະການສະໜັບສະໜູນຢ່າງຕັ້ງໜ້າຈາກປະຊາຄົມໂລກ．ໃນກອງປະຊຸມເວທີປຶກສາຫາລືຄັ້ງນີ້，ທ່ານນາງຄຳເພົາ　ເອີນທະວັນ　ເອກອັກຄະລັດຖະທູດ　ສປປ　ລາວປະຈຳ　ສປ　ຈີນເຫັນວ່າ：ສອງຝ່າຍລາວ－ຈີນສາມາດເພີ່ມທະວີການເຊື່ອມໂຍງລະຫວ່າງຂໍ້ລິເລີ່ມກ່ຽວກັບການພັດທະນາຂອງທົ່ວໂລກແລະວິໄສທັດຂອງປະຊາຄົມອາຊຽນ　2025，ດຳເນີນການຮ່ວມມືໃຫ້ຫຼາຍກວ່າເກົ່າໃນດ້ານລຶບລ້າງຄວາມທຸກຍາກ　ການສ້າງພື້ນຖານໂຄງລ່າງ　ຄວາມໝັ້ນຄົງດ້ານສະບຽງອາຫານແລະຊັບພະຍາກອນແລະດ້ານອື່ນໆ．

ທ່ານເສີນເຕີໄຫ　ເລຂາທິການສູນຈີນ－ອາຊຽນໄດ້ກ່າວວ່າ：ສື່ມວນຊົນຈີນແລະອາຊຽນຄວນສຸມໃສ່ການປ້ອງກັນແລະຕ້ານການແຜ່ລະບາດ　ຂອງພະຍາດໂຄວິດ－19，ການຟື້ນຟູດ້ານເສດຖະກິດແລະຫົວຂໍ້ອື່ນໆ，ເລ່ົາເລື່ອງລາວກ່ຽວກັບການພັດທະນາຂອງຈີນ－ອາຊຽນໃຫ້ດີເພື່ອສ້າງສະພາບແວດລ້ອມດ້ານຫາງສຽງທີ່ດີໃຫ້ແກ່ການລົງເລິກການຮ່ວມມືລະຫວ່າງສອງຝ່າຍ．

ຝ່າຍຕ່າງໆທີ່ເຂົ້າຮ່ວມກອງປະຊຸມໄດ້ຕີລາຄາໃນລະດັບສູງຕໍ່ບົດບາດສຳຄັນທີ່　ເປັນ　＂ເຄື່ອງຮັກສາຄວາມໝັ້ນທ່ຽງ＂ຂອງຂໍ້ລິເລີ່ມກ່ຽວກັບການພັດທະນາຂອງທົ່ວໂລກໃນການຊຸກຍູ້ການຮ່ວມມືດ້ານການພັດທະນາສາກົນແລະເພື່ອສັນຕິພາບແລະການພັດທະນາ，ໂດຍກ່າວວ່າ：ຕ້ອງໄປຕາມຄວາມຄອງຄອຍທົ່ວໄປຂອງບັນດາປະເທດໃນພາກພື້ນທີ່ສະແຫວງຫາສັນຕິພາບ　ສະແຫວງຫາສະຖຽນລະພາບ　ຊຸກຍູ້ການພັດທະນາ　ສະແຫວງຫາຕ່າງຝ່າຍຕ່າງໄດ້ຮັບຜົນປະໂຫຍດ，ໄດ້ສົ່ງສຽງຮ່ວມກັນທີ່ຮ່ວມກັນຮັບມືກັບປັດໄຈຫຍໍ້ທໍ້ທີ່ເປັນໄພຂົ່ມຂູ່ຕໍ່ສັນຕິພາບແລະການພັດທະນາ，ປົກປັກຮັກສາແລະສ້າງບ້ານທີ່ສວຍງາມໃຫ້ດີ．