ທ່ານວ່າງເວີນປິ່ນ　ໂຄສົກກະຊວງການຕ່າງປະເທດຈີນໄດ້ກ່າວໃນວັນທີ　8　ສິງຫານີ້ວ່າ：ຝ່າຍຈີນສະແດງຄວາມຊົມເຊີຍຕໍ່ທ່ານອັນໂຕນີໂອ　ກູເຕີເຣສ　ເລຂາທິການໃຫຍ່ອົງການສະຫະຊາຊາດທີ່ຮຽກຮ້ອງໃຫ້ຝ່າຍທີ່ກ່ຽວຂ້ອງໃຫ້ຄຳໝັ້ນສັນຍາບໍ່ນຳໃຊ້ອາວຸດນີວເຄລຍກ່ອນ．

ໃນພິທີລະນຶກສັນຕິພາບທຈັດຂຶ້ນຢູ່ໂລຊີມະປະເທດຍີ່ປຸ່ນໃນວັນທີ　6　ສິງຫານີ້，ທ່ານອັນໂຕນີໂອ　ກູເຕີເຣສ　ເລຂາທິການໃຫຍ່ອົງການສະຫະປະຊາຊາດຮຽກຮ້ອງໃຫ້ປະເທດທີ່ມີອາວຸດນີວເຄລຍໃຫ້ຄຳໝັ້ນສັນຍາ＂ບໍ່ນຳໃຊ້ອາວຸດນີວເຄລຍກ່ອນ＂，ທັງຮັບປະກັນຕໍ່ປະເທດທີ່ບໍ່ມີອາວຸດນີວເຄລຍວ່າ　ຈະບໍ່ນຳໃຊ້ຫຼືຂົ່ມຂູ່ວ່າຈະນຳໃຊ້ອາວຸດນີວເຄລຍ．　

ເຈົ້າໜ້າທີ່ອົງການສະຫະປະຊາຊາດກ່າວວ່າ　ນີ້ແມ່ນຄັ້ງທຳອິດທີ່ມີເລຂາທິການໃຫຍ່ທຳການຮຽກຮ້ອງແບບນີ້．

ທ່ານວ່າງເວີນປິ່ນກ່າວເນັ້ນໜັກວ່າ，＂ນັບແຕ່ມື້ທຳອິດທີ່ມີອາວຸດນີວເຄລຍເປັນຕົ້ນມາ，ປະເທດຈີນກໍ່ໄດ້ລິເລີ່ມໃຫ້ຊຳລະຢ່າງຮອບດ້ານແລະທຳລາຍອາວຸດນີວເຄລຍຢ່າງເຖິງຖອງ，ໄດ້ປະຕິບັດນະໂຍບາຍທີ່ບໍ່ນຳໃຊ້ອາວຸດນີວເຄລຍກ່ອນບໍ່ວ່າໃນເວລາໃດແລະໃນກໍລະນີໃດກໍ່ຕາມຢ່າງເຄັ່ງຄັດມາໂດຍຕະຫຼອດ，ພ້ອມທັງໄດ້ໃຫ້ຄຳໝັ້ນສັນຍາຢ່າງຈະແຈ້ງວ່າບໍ່ນຳໃຊ້ຫຼືຂົ່ມຂູ່ວ່າຈະນຳໃຊ້ອາວຸດນີວເຄລຍຕໍ່ປະເທດທີ່ບໍ່ມີອາວຸດນີວເຄລຍແລະພາກພື້ນທີ່ບໍ່ມີອາວຸດນີວເຄລຍຢ່າງບໍ່ມີເງື່ອນໄຂ．ຈີນເປັນພຽງປະເທດດຽວເທົ່ານັ້ນທີ່ໃຫ້ຄຳໝັ້ນສັນຍາດັ່ງກ່າວໃນຈຳນວນ　5　ປະເທດທີ່ມີອາວຸດນີວເຄລຍ．＂

ທ່ານວ່າງເວີນປິ່ນໄດ້ກ່າວຕື່ມວ່າ：ຝ່າຍຈີນທວງໃຫ້ປະເທດອື່ນໆທີ່ມີອາວຸດນີວເຄລຍນຳໃຊ້ນະໂຍບາຍດຽວກັນ，ຮ່ວມກັນປົກປັກຮັກສາຄວາມໝັ້ນຄົງທາງຍຸດທະສາດຂອງໂລກ，ຫຼຸດຜ່ອນຄວາມສ່ຽງທາງຍຸດທະສາດນີວເຄລຍໃຫ້ໜ້ອຍລົງຢ່າງແທ້ຈິງ．