ອີງຕາມຜົນການສຳຫຼວດປະຊາມະຕິໃນທົ່ວໂລກທີ່ດຳເນີນຢູ່　22ປະເທດ　ຂອງ　5　ທະວີບໄດ້ສະແດງໃຫ້ເຫັນວ່າ，ປະຊາຊົນຢູ່ປະເທດຕ່າງໆສ່ວນຫຼາຍຍ້ອງຍໍຊົມເຊີຍໃນລະດັບສູງຕໍ່ຜົນສຳເລັດຂອງຈີນໃນການພັດທະນາເປັນເວລາ　10　ປີຜ່ານມານີ້，ຜູ້ໃຫ້ສຳພາດໃນທົ່ວໂລກກວມ　　78，34％ເຫັນວ່າ：＂ເສດຖະກິດຈີນໄດ້ກາຍເປັນຫົວຈັກຂັບເຄື່ອນເສດຖະກິດຂອງໂລກແລ້ວ＂，ໄດ້ເພີ່ມຄວາມໝັ້ນໃຈແລະພະລັງຊີວິດຊີວາເຂົ້າໃນເສດຖະກິດໂລກ．

ການສຳຫຼວດປະຊາມະຕິທົ່ວໂລກໂຄງການນີ້ມີຊື່ວ່າ　＂ປະເທດຈີນໃນ　ຍຸກໃໝ່＂，ແມ່ນຄັງປັນຍາ　 ＣＧＴＮ　ຂອງວິທະຍຸໂທລະພາບສູນກາງຈີນຫຼື　ＣＭＧ　ຮ່ວມກັບສະຖາບັນຄົ້ນຄວ້າການບໍລິຫານປະເທດກັບລະບົບນິເວດດ້ານຫາງສຽງຂອງມະຫາວິທະຍາໄລປະຊາຊົນຈີນເປັນຜູ້ຮ່ວມກັນລິເລີ່ມ．ເປົ້າໝາຍໃນການສຳຫຼວດແມ່ນປະຊາຊົນຂອງປະເທດທີ່ພັດທະນາແລ້ວເຊັ່ນອາເມຣິກາ　ອັງກິດ　ຝຣັ່ງ　ຍີ່ປຸ່ນເປັນຕົ້ນ，ແລະລວມທັງຜູ້ໃຫ້ສຳພາດຂອງປະເທດທີ່ກຳລັງພັດທະນາເຊັ່ນບຣາຊິນ　ອິນເດຍ　ອາຟຣິກາໃຕ້ເປັນຕົ້ນ．ອີງຕາມຜົນການສຳຫຼວດສະແດງໃຫ້ເຫັນວ່າ，ອັດຕາສ່ວນຜູ້ໃຫ້ສຳພາດທີ່ຍ້ອງຍໍຊົມເຊີຍໃນລະດັບສູງຕໍ່ຜົນສຳເລັດດ້ານເສດຖະກິດຂອງຈີນນັ້ນ，ຢູ່ທະວີບອາຟຣິກາມີສູງເຖິງ　91，46％．ເອີຣົບຕາມຫຼັງ，ກວມອັດຕາສ່ວນ　81，60％．ທະວີບອາເມຣິກາເໜືອເປັນທີສາມ，ມີເຖິງ　78，09％．