ໃນກອງປະຊຸມຖະແຫຼງຂ່າວໃນວັນທີ 10 ສິງຫານີ້,ທ່ານວ່າງເວີນປິ່ນ ໂຄສົກ ກະຊວງການຕ່າງປະເທດຈີນໄດ້ກ່າວວ່າ:　ອາເມຣິກາຕິດຕັ້ງລະບົບຕ້ານຂີປະນາວຸດຫຼື“THAAD”ຢູ່ສາທາລະນະລັດເກົາຫຼີໄດ້ທຳລາຍຜົນປະໂຫຍດຄວາມໝັ້ນຄົງທາງຍຸດທະສາດຂອງຈີນຢ່າງຈະແຈ້ງ,ຝ່າຍຈີນໄດ້ສະແດງຄວາມເປັນຫ່ວງຫຼາຍເທື່ອຕໍ່ສາທາລະນະລັດເກົາຫຼີ.ລັດຖະບານສາທາລະ　ນະລັດເກົາຫຼີໄດ້ຖະແຫຼງ “3 ບໍ່ 1 ຈຳກັດ”ຕໍ່ພາຍ ນອກ,ຄື:ບໍ່ເພີ່ມການຕິດຕັ້ງລະບົບ　“THAAD”,ບໍ່ເຂົ້າຮ່ວມລະບົບປ້ອງກັນລູກສອນໄຟນຳວິຖີທີ່ນຳໂດຍອາເມຣິກາ,ບໍ່ເຂົ້າຮ່ວມພັນທະມິດການທະຫານອາເມຣິກາ-ຍີ່ປຸ່ນ-ສາທາລະນະລັດເກົາຫຼີ,ຈຳກັດການນຳໃຊ້ລະບົບ“THAAD”,ຝ່າຍຈີນໃຫ້ຄວາມສຳຄັນຕໍ່ຫຼັກໝັ້ນດ່ັງກ່າວຂອງລັດຖະບານສາທາລະນະລັດເກົາຫຼີ．ບົນພື້ນຖານຄວາມເຂົ້າໃຈກັນຂອງສອງຝ່າຍ，ຈີນ－ສາທາລະນະລັດເກົາຫຼີທັງສອງຝ່າຍໄດ້ແກ້ໄຂບັນຫາ“THAAD”ຢ່າງເໝາະສົມທີ່ມີລັກສະນະຂັ້ນຕອນ．ໃນການພົບປະ　ເຈລະຈາລະຫວ່າງລັດຖະມົນຕີການຕ່າງປະເທດຈີນ－ສາທາລະນະລັດເກົາຫຼີຄັ້ງນີ້，ສອງຝ່າຍໄດ້ລົງເລິກແລກປ່ຽນຄວາມຄິດຄວາມເຫັນກ່ຽວກັບບັນຫາ　“THAAD”ຕື່ມອີກໂດຍໄດ້ຊີ້ແຈງຫຼັກໝັ້ນຂອງໃຜລາວ，ໄດ້ເພີ່ມຄວາມເຂົ້າໃຈເຊິ່ງກັນແລະກັນ．ສອງຝ່າຍເຫັນດີໃຫ້ຄວາມສຳຄັນຕໍ່ຄວາມເປັນຫ່ວງທີ່ສົມເຫດສົມຜົນຂອງຝ່າຍກົງກັນຂ້າມ，ສືບຕໍ່ແກ້ໄຂຢ່າງລະມັດລະວັງແລະຄຸ້ມຄອງບັນຫານີ້ໃຫ້ດີ，ບໍ່ເຮັດໃຫ້ມັນກາຍເປັນສິ່ງກີດຂວາງທີ່ກະທົບເຖິງການພັດທະນາຢ່າງປອດໃສແລະໜັກແໜ້ນຂອງສາຍພົວພັນລະຫວ່າງສອງປະເທດ．