ວັນທີ　11　ສິງຫານີ້，ທ່ານຫວາງຢີ້　ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວໃນເວລາໃຫ້ສຳພາດຕໍ່ສື່ມວນຊົນສູນ　ກາງຈີນວ່າ：ໂດຍປະເຊີນໜ້າກັບສິ່ງທ້າທາຍຕ່າງໆເຊັ່ນສະພາບການແຜ່ລະບາດຂອງພະຍາດໂຄວິດ－19　ໄດ້ເກີດຂຶ້ນຊ້ຳແລ້ວຊ້ຳອີກ　ຄວາມກົດດັນທີ່ເສດຖະກິດຫຼຸດລົງໄດ້ເພີ່ມຂຶ້ນ，　ແນວຄິດສົງຄາມເຢັນແລະການເປັນປໍລະປັກກັນລະຫວ່າງຝ່າຍໄດ້ຟື້ນຄືນແລະອື່ນໆ，ລັດຖະມົນຕີການຕ່າງປະເທດຈີນແລະອາຊຽນໄດ້ເຕົ້າໂຮມກັນຢູ່ພະນົມເປັນຂອງກຳປູເຈຍ，ໄດ້ສົ່ງສຽງທີ່ຮ່ວມກັນສະແຫວງຫາສັນຕິພາບ　ຮ່ວມກັນສະແຫວງຫາການພັດທະນາແລະຮ່ວມກັນສົ່ງເສີມຄວາມໝັ້ນຄົງ，ໄດ້ສະແດງໃຫ້ເຫັນເຖິງຄວາມຕັດສິນໃຈທີ່ເດັດດ່ຽວແຫ່ງການປົກປັກຮັກສາຄວາມຍຸຕິທຳແລະຄວາມເປັນທຳສາກົນ．

ບັນດາລັດຖະມົນຕີການຕ່າງປະເທດໄດ້ຕີລາຄາໃນລະດັບສູງທີ່ສາຍພົວພັນຄູ່ຮ່ວມຍຸດທະສາດຮອບດ້ານຈີນ－ອາຊຽນໄດ້ເລີ່ມຕົ້ນຢ່າງແຂງແຮງແລະມີທ່ວງທ່າທີ່ເຂັ້ມແຂງ．ມູນຄ່າການຄ້າຈີນ－ອາຊຽນໃນ　6　ເດືອນຕົ້ນປີນີ້ມີຫຼາຍກວ່າ　450　ຕື້ໂດລາສະຫະລັດ，ເພີ່ມຂຶ້ນ11，5％ເມື່ອທຽບກັບໄລຍະດຽວກັນຂອງປີ　2021，ຈີນໄດ້ນຳເຂົ້າຜະລິດຕະພັນກະສິກຳມູນຄ່າຫຼາຍກວ່າ　21　ຕື້ໂດລາສະຫະລັດຈາກອາຊຽນ，ເສັ້ນທາງລົດໄຟຈີນ－ລາວມີປະສິດທິຜົນແບບແຜ່ຂະຫຍາຍກວ້າງອອກຢ່າງຈະແຈ້ງ，ການຮ່ວມມືຄົ້ນຄວ້າພັດທະນາແລະຜະລິດວັກຊິນລະຫວ່າງຈີນກັບປະເທດສະມາຊິກອາຊຽນໄດ້ມີຄວາມຄືບໜ້າຢ່າງໜັກແໜ້ນ．ຝ່າຍຕ່າງໆລ້ວນແຕ່ເຫັນວ່າ：ການຮ່ວມມືຈີນ－ອາຊຽນເປັນແບບຢ່າງທີ່ປະສົບຜົນສຳເລັດຫຼາຍທີ່ສຸດແລະມີພະລັງຊີວິດຊີວາຫຼາຍທີ່ສຸດໃນການຮ່ວມມືຂອງພາກພື້ນອາຊີ－ປາຊິຟິກ．

ໃນກອງປະຊຸມລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກແລະເວທີປຶກສາຫາລືພາກພື້ນອາຊຽນເຊິ່ງເປັນສອງກອງປະຊຸມທີ່ມີຂອບເຂດໃຫຍ່ກວ່າ，ຝ່າຍຈີນໄດ້ລິເລີ່ມໃຫ້ກອງປະຊຸມສຸດຍອດອາຊີຕາເວັນອອກອອກຖະແຫຼງການຜູ້ນຳກ່ຽວກັບການຮ່ວມມືດ້ານພະລັງງານ，ຄອງຄອຍໃຫ້ບັນດາຝ່າຍຮ່ວມກັນຮັບມືກັບສິ່ງທ້າທາຍດ້ານພະລັງງານ．ກອງປະຊຸມລັດຖະມົນຕີການຕ່າງປະເທດຂອງເວທີປຶກສາຫາລືພາກພື້ນອາຊຽນໄດ້ອອກຖະແຫຼງການກ່ຽວກັບການຢ້ຳຄືນການຮັກສາເຂດປອດອາວຸດນີວເຄລຍຢູ່ອາຊີຕາເວັນອອກສຽງໃຕ້ທີ່ຝ່າຍຈີນເປັນຜູ້ລິເລີ່ມ，ບັນຫາແກນກາງແມ່ນສະໜັບສະໜູນປະເທດໃນພາກພື້ນທຳຄວາມພະຍາຍາມຮ່ວມກັນເພື່ອປ້ອງກັນການແຜ່ຜາຍອາວຸດນີວເຄລຍ．