ຕາມຂ່າວCRI: ວັນທີ 15 ສິງຫານີ້, ພິທີມອບການຊ່ວຍເຫຼືອດ້ດ້ານມະນຸດສະທຳຮີບດ່ວນເປັນເງິນສົດຈຳນວນ 150.000 ໂດລາແກ່ສະພາກາແດງກູບາຈາກສະພາກາແດງຈີນໄດ້ຈັດຂຶ້ນຢູ່ກະຊວງການຄ້າແລະທຶນຕ່າງປະເທດຂອງກູບາ. ການຊ່ວຍເຫຼືອຄັ້ງນີ້ແມ່ນເພື່ອສະໜັບສະໜູນວຽກງານກອບກູ້ຊ່ວຍເຫຼືອໃນເຫດການໄຟໄໝ້ທີ່ເກີດຂຶ້ນຢູ່ສາງເກັບນ້ຳມັນເຊື້ອໄຟແຫ່ງໜຶ່ງທີ່ແຂວງມາທານຊາສຂອງກູບາ.
ທ່ານໝາຮຸ່ຍ ເອກອັກຄະລັດຖະທູດຈີນປະຈຳກູບາແລະທ່ານນາງເດໂບຣັດ ຣິວາສ ຊາເວດຣາ, ຮອງລັດຖະມົນຕີກະຊວງການຄ້າແລະທຶນຕ່າງປະເທດກູບາໄດ້ເຂົ້າຮ່ວມພິທີພ້ອມທັງໄດ້ລົງນາມໃນໃບຢັ້ງຢືນການມອບຮັບ.
ທ່ານນາງເດໂບຣັດ ຣິວາສ ຊາເວດຣາໄດ້ຕາງໜ້າລັດຖະບານແລະປະຊາຊົນກູບາສະແດງຄວາມຂອບໃຈຕໍ່ການຊ່ວຍເຫຼືອຈາກສະພາກາແດງຈີນ. ທ່ານນາງກ່າວວ່າ: ພາຍໃຕ້ສະຖານະການທີ່ສະຫຼັບຊັບຊ້ອນໃນປັດຈຸບັນນີ້, ມາດຕະການນີ້ຂອງຈີນແມ່ນສ່ອງແສງໃຫ້ເຫັນເຖິງຄວາມສາມັກຄີແລະມິດຕະພາບລະຫວ່າງສອງປະເທດອີກເທື່ອໃໝ່.