ວັນທີ 20 ສິງຫານີ້, ໃນໄລຍະຈັດກອງປະຊຸມການພັດທະນາອາຊີວະສຶກສາໂລກ, ກະຊວງສຶກສາທິການຈີນໄດ້ເຜີຍແຜ່ “ປຶ້ມປົກຂາວວ່າດ້ວຍການພັດທະນາອາຊີວະສຶກສາຂອງຈີນ” ເພື່ອແນະນຳບົດຮຽນການພັດທະນາອາຊີວະສຶກສາຂອງຈີນຕໍ່ໂລກ.
ປຶ້ມປົກຂາວດັ່ງກ່າວລະບຸວ່າ, ອາຊີວະສຶກສາແມ່ນພາກສ່ວນສຳຄັນໃນລະບົບການສຶກສາພົນລະເມືອງ ແລະ ການພັດທະນາຊັບພະຍາກອນມະນຸດ. ນັບແຕ່ປີ 2012 ເປັນຕົ້ນມາ, ຈີນໄດ້ເນັ້ນອາຊີວະສຶກສາມີຄວາມສຳຄັນເທົ່າທຽມກັບການສຶກສາທົ່ວໄປ, ໄດ້ກຳນົດເອົາອາຊີວະສຶກສາເປັນພາກສ່ວນສຳຄັນໃນລະບົບການສຶກສາພົນລະເມືອງ ແລະ ການພັດທະນາຊັບພະຍາກອນມະນຸດ, ໃນທີ່ສຸດໄດ້ກໍ່ຕົວເປັນຮູບແບບຈີນຂອງການພັດທະນາອາຊີວະສຶກສາ ເຊິ່ງໄດ້ເພີ່ມກຳລັງອາຊີວະສຶກສາທີ່ແຂງແຮງເຂົ້າໃນເສັ້ນທາງກ້າວໄປສູ່ຄວາມເປັນທັນສະໄໝຂອງຈີນ.
ປຶ້ມປົກຂາວເນັ້ນໜັກວ່າ, ການສ້າງເວທີຮ່ວມມືແລະແລກປ່ຽນກັນ, ແບ່ງປັນໝາກຜົນຂອງການປະຕິຮູບອາຊີວະສຶກສາຂອງຈີນກັບໂລກ ແມ່ນຄວາມປາຖະໜາອັນດີງາມຂອງຈີນ. ຈີນຈະຍຶດໝັ້ນໃນການເປີດປະຕູສູ່ພາຍນອກ, ຮັບພາລະໜ້າທີ່ຫຼາຍກວ່າເກົ່າຕາມຄວາມສາມາດຂອງຕົນ, ປະກອບສ່ວນແຜນການຂອງຈີນເພື່ອການບໍລິຫານການສຶກສາທົ່ວໂລກ, ປະກອບສ່ວນກຳລັງດ້ານການສຶກສາເພື່ອຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.