ວັນທີ 20 ສິງຫານີ້, ການແຂ່ງຂັນກິລາໝາກເສິກຈີນ-ອາຊຽນປີ 2022 ໄດ້ຈັດຂຶ້ນຜ່ານແອັບ “ໝາກເສິກທຽນທຽນ” ໂດຍມີຜູ້ເຂົ້າຮ່ວມການແຂ່ງຂັນ 66 ຄົນຂອງ 10 ຄະນະຜູ້ແທນຈາກ 9 ປະເທດແລະເຂດແຄວ້ນ, ຈະດຳເນີນການແຂ່ງຂັນແບບນັບຄະແນນເປັນ 7 ຮອບ ເພື່ອຊິງແຊັມໃນ 3 ລາຍການແຂ່ງຂັນ ຄື ການແຂ່ງຂັນຊາຍດ່ຽວ, ຍິງດ່ຽວ ແລະ ທີມເພດຊາຍ.
ການແຂ່ງຂັນຄັ້ງນີ້ຈັດຂຶ້ນໂດຍຜ່ານທາງອອນລາຍ, ນອກຈາກສະມາຄົມໝາກເສິກຈີນໄດ້ຕັ້ງສະໜາມແຂ່ງຂັນຫຼັກຢູ່ຕຶກທຽນຢວນ ທີ່ເປັນສຳນັກງານໝາກເສິກຈີນສາຂາຫາງໂຈ່ວແລ້ວ, ທີມເຂົ້າຮ່ວມການແຂ່ງຂັນຕ່າງໆ ລ້ວນແຕ່ໄດ້ຈັດໃຫ້ມີສະໜາມແຂ່ງຂັນແບບລວມໝູ່ ເພື່ອຮັບປະກັນຄວາມເປັນທຳ ແລະ ອິດທິພົນຂອງການແຂ່ງຂັນຄັ້ງນີ້.