ທ່ານເປັສໂຄຟ　ໂຄສົກຂອງປະທານາທິບໍດີຣັດເຊຍໄດ້ກ່າວໃນວັນທີ　4　ກັນຍານີ້ວ່າ：ເອີຣົບບໍ່ຍອມສະໜອງການບໍລິການສ້ອມແປງໃຫ້ກັບອຸປະກອນທໍ່ສົ່ງອາຍແກັສທຳມະຊາດ “ Nord Stream－1”，ນີ້ບໍ່ແມ່ນຄວາມຜິດ　ຂອງບໍລິສັດອຸດສາຫະກຳອາຍແກັສທຳມະຊາດຫຸ້ນສ່ວນຈຳກັດຂອງຣັດເຊຍ，ແຕ່ແມ່ນຄວາມຜິດຂອງນັກການເມືອງຕາເວັນຕົກທີ່ທຳການຕົກລົງເຫຼົ່ານັ້ນ．

ວັນທີ　2　ກັນຍານີ້，ບໍລິສັດອຸດສາຫະກຳອາຍແກັສທຳມະຊາດຫຸ້ນສ່ວນຈຳກັດຂອງຣັດເຊຍໄດ້ຖະແຫຼງຂ່າວໂດຍລະບຸວ່າ：ໃນເວລາຮ່ວມກັບຜູ້ຕາງໜ້າ　ບໍລິສັດຊີເມນສເຢຍລະມັນດຳເນີນການສ້ອມແປງຈັກຕວັນບິນຢູ່ສະຖານີປ້ຳອາຍແກັສທຳມະຊາດໂປໂຕວາຢາຂອງທໍ່ສົ່ງອາຍແກັສທຳມະຊາດ“ Nord Stream－1”ນັ້ນ，ໄດ້ປາກົດເຫັນມີອຸປະກອນຢູ່ຫຼາຍຈຸດນ້ຳມັນຮົ່ວ，ສະນັ້ນ，ທໍ່ສົ່ງອາຍແກັສທຳມະຊາດ“ Nord Stream－1”ຈະຢຸດການສົ່ງອາຍແກັສທຳມະຊາດຢ່າງສິ້ນເຊີງ，ຈົນກວ່າການຕິດຂັດຈະໄດ້ຮັບການແກ້ໄຂ．