ຕໍ່ກັບເລື່ອງທີ່ຝ່າຍອາເມຣິກາເຜີຍແຜ່ບົດລາຍງານທີ່ກ່ຽວຂ້ອງໃນຫວ່າງມໍ່ໆມານີ້ທີ່ໃສ່ຮ້າຍປ້າຍສີສາຍພົວພັນຈີນ－ປະເທດໃນເອີຣົບກາງແລະເອີຣົບຕາເວັນອອກ，ທ່ານນາງໝາວໜິງ　ໂຄສົກກະຊວງການຕ່າງປະເທດຈີນໄດ້ກ່າວໃນວັນທີ　5　ກັນຍານີ້ວ່າ：ບົດລາຍງານເຫຼົ່ານີ້ແມ່ນເຕັມໄປດ້ວຍການໃສ່ຮ້າຍປ້າຍສີແລະການກ່າວຫາທີ່ໄຮ້ສາລະຕໍ່ສາຍພົວພັນຈີນ－ປະເທດໃນເອີຣົບກາງແລະເອີຣົບຕາເວັນອອກ，ບໍ່ມີຄວາມເປັນພາວະວິໄສແລະບໍ່ມີຄວາມເປັນຈິງຫຍັງເລີຍ．

ປີນີ້ພໍດີແມ່ນຈີນ－ປະເທດໃນເອີຣົບກາງແລະເອີຣົບຕາເວັນອອກດຳເນີນການຮ່ວມມືກັນຄົບຮອບ　10　ປີ，ມີສື່ລາຍງານຂ່າວວ່າ：ໂດຍໄດ້ຮັບການມອບໝາຍຈາກກະຊວງການຕ່າງປະເທດອາເມຣິກາ，＂ສູນວິເຄາະນະໂຍບາຍເອີຣົບ＂ທີ່ເປັນຄັງປັນຍາອາເມຣິກາໄດ້ເຜີຍແຜ່ບົດລາຍງານຕ່າງໆຢ່າງຕໍ່ເນື່ອງໃນຫວ່າງມໍ່ໆມານີ້，ໂດຍໄດ້ດຳເນີນການປະເມີນຕໍ່ອັນທີ່ວ່າ　＂ຜົນສະທ້ອນທີ່ີມີເຈຕະນາຮ້າຍ＂ທີ່ປະເທດຈີນໃຊ້ຕໍ່ປະເທດໃນເອີຣົບກາງແລະເອີຣົບຕາເວັນອອກ．

ໃນເວລາຕອບຄຳຖາມທີ່ກ່ຽວຂ້ອງ，ທ່ານນາງໝາວໜິງໄດ້ກ່າວເນັ້ນໜັກວ່າ：

＂ແຕ່ໃດມາ，ປະເທດຈີນກໍ່ບໍ່ເຄີຍສະແຫວງຫາຈຸດປະສົງດ້ານການເມືອງພູມີສາດຢູ່ເອີຣົບກາງແລະເອີຣົບຕາເວັນອອກ，ແລະໄດ້ຄັດຄ້ານການຫັນການຮ່ວມມືເປັນບັນຫາການເມືອງແລະຫັນເປັນບັນຫາຮູບຖານຈິດສຳນຶກມາໂດຍຕະຫຼອດ．ພວກເຮົາເຊື່ອວ່າ：ປະຊາຊົນປະເທດຕ່າງໆຂອງເອີຣົບກາງແລະເອີຣົບຕາເວັນອອກຈະມີຄວາມສາມາດວິນິດໄສອັນພຽງພໍ，ສາມາດເຫັນແຈ້ງຕໍ່ເຈຕະນາຊົ່ວຮ້າຍທີ່ແຝງຊ້ອນຢູ່ເບື້ອງຫຼັງຄຳຂີ້ຕົວະແລະຂໍ້ມູນຂ່າວສານປອມເຫຼົ່ານີ້ທີ່ທຳລາຍການຮ່ວມມືລະຫວ່າງຈີນ－ປະເທດໃນເອີຣົບກາງແລະເອີຣົບຕາເວັນອອກ．＂