ວັນທີ　5　ກັນຍານີ້，ວິທະຍຸໂທລະພາບສູນກາງຈີນຫຼື　ＣＭＧ　ກັບບໍລິສັດບໍລິການການຖ່າຍທອດງານກິລາໂອລິມປິກຫຼື　ＯＢＳ　ໄດ້ເຊັນສັນຍາກ່ຽວກັບການຮ່ວມມືຜະລິດສັນຍານໃຊ້ທາງສາກົນຂອງງານກິລາໂອລິມປິກປາຣີປີ　2024，ＣＭＧ　ໄດ້ກາຍເປັນອົງການຜະລິດສັນຍານໃຊ້ທາງສາກົນຂອງງານກິລາໂອລິມປິກປາຣີຢ່າງເປັນທາງການ．ອີງຕາມສັນຍາ，ＣＭＧ　ຈະຮັບຜິດຊອບການຜະລິດສັນຍານໃຊ້ທາງສາກົນຂອງ　4　ລາຍການໃຫຍ່，ຄື：ກາຍຍະກຳ，ປິ່ງປ່ອງ，　ດອກປີກໄກ່ແລະກິລາປີນໜ້າຜາຂອງງານກິລາໂອລິມປິກປີ　2024，ກາຍເປັນວິທະຍຸໂທລະພາບແຫ່ງຊາດທີ່ຮັບຜິດຊອບໂຄງການຜະລິດສັນຍານໃຊ້ທາງສາກົນຫຼາຍກວ່າໝູ່ໃນງານກິລາໂອລິມປິກປາຣີ．ທ່ານເຊິ້ນໄຫສົງ　ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນແລະທ່ານຢີອັນນິສ　ເອັກຊາໂຄສ　ຫົວໜ້າບໍລິຫານງານບໍລິສັດບໍລິການການຖ່າຍທອດງານກິລາໂອລິມປິກໄດ້ເຂົ້າຮ່ວມພິທີລົງນາມຜ່ານທາງອອນໄລ．

ທ່ານThomas Bach　ປະທານຄະນະກຳມະການໂອລິມປິກສາກົນໄດ້ສົ່ງສານເພື່ອສະແດງຄວາມຊົມເຊີຍຕໍ່ＣＭＧ　ທີ່ໄດ້ກາຍເປັນອົງການຜະລິດສັນຍານໃຊ້ທາງສາກົນຂອງງານກິລາໂອລິມປິກປາຣີຢ່າງເປັນທາງການ．

ທ່ານເຊິ້ນໄຫສົງກ່າວວ່າ：ＣＭＧ　ເຂົ້າຮ່ວມວຽກງານຖ່າຍທອດງານກິລາໂອລິມປິກປາຣີ，ເປັນການຍອມຮັບຢ່າງເຕັມສ່ວນຂອງຄະນະກຳມະການໂອລິມປິກສາກົນແລະບໍລິສັດບໍລິການການຖ່າຍທອດງານກິລາໂອລິມປິກທີ່ມີຕໍ່　ຄວາມສາມາດດ້ານເຕັກໂນໂລຊີແລະລະດັບການລາຍງານຂ່າວກິລາຂອງＣＭＧ．＂ຄະນະກຳມະການໂອລິມປິກສາກົນໃຫ້ໂອກາດແກ່ ＣＭＧ, ພວກເຮົາຈະຕອບແທນໂລກດ້ວຍຄວາມປິຕິຍິນດີຢ່າງແນ່ນອນ!＂

ທ່ານຢີອັນນິສ　ເອັກຊາໂຄສ ກ່າວວ່າ:ＣＭＧ ແມ່ນຄູ່ຮ່ວມມືທີ່ແຂງແຮງທີ່ສຸດຂອງບໍລິສັດບໍລິການການຖ່າຍທອດງານກິລາໂອລິມປິກ,ບໍ່ວ່າໃນດ້ານການປິດິດສ້າງແລະການນຳໃຊ້ເຕັກໂນໂລຊີ ຄວາມສາມາດລະດັບມືອາຊີບຂອງທີມ ງານ ຫຼືດ້ານຄຸນນະພາບການຜະລິດເນື້ອໃນ.ການຮ່ວມມືກັນອີກໃນງານກິລາ ໂອລິມປິກປາຣີປີ 2024,ເປັນຫຼັກໝາຍສຳຄັນອັນໜຶ່ງ　ຍ່ອມຈະຊຸກຍູ້ໃຫ້ການ ຮ່ວມມືຂອງສອງຝ່າຍຂຶ້ນສູ່ລະດັບສູງອີກຄັ້ງໃໝ່.