ວັນທີ 8 ກັນຍານີ້,ທ່ານນັດເຊີ ການາອານີ ໂຄສົກກະຊວງການຕ່າງປະເທດ ອີຣານໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ການກ່າວຫາທີ່ໄຮ້ຄວາມເປັນຈິງຂອງຄະນະກຳມະການຄວາມໝັ້ນຄົງແຫ່ງຊາດອາເມຣິກາແລະກະຊວງການຕ່າງປະເທດອັງກິດກ່ຽວກັບອັນທີ່ເອີ້ນວ່າ “ອີຣານຖືກສົງໄສດຳເນີນການໂຈມຕີທາງອິນເຕີເນັດຕໍ່ປະເທດອານບານີ”.

ທ່ານການາອານີຊີ້ໃຫ້ເຫັນວ່າ:ກ່ອນໜ້ານີ້,ອາເມຣິກາແລະອັງກິດຮັກສາຄວາມມິດງຽບຕໍ່ການໂຈມຕີທາງອິນເຕີເນັດຫຼາຍຄັ້ງທີ່ແນໃສ່ພື້ນຖານໂຄງລ່າງຈົນຮອດ ໂຄງລ່າງນີວເຄລຍຂອງອີຣານ,ພ້ອມທັງສະໜັບສະໜູນການກະທຳແບບນີ້ໂດຍທາງກົງຫຼືທາງອ້ອມ.ອາເມຣິກາແລະອັງກິດສະເໜີການກ່າວຫາອັນທີ່ເອີ້ນວ່າ “ອີຣານດຳເນີນການໂຈມຕີທາງອິນເຕີເນັດຕໍ່ປະເທດອານບານີ”ນັ້ນແມ່ນຂາດເຫດຜົນ,ມີເຈຕະນາແນໃສ່ອີຣານຢ່າງເດັ່ນຊັດ.

ທ່ານການາອານີກ່າວເຕືອນວ່າ:ປະເທດທີ່ກ່ຽວຂ້ອງຢ່າດຳເນີນການເຄືອນໄຫວໃດໆທີ່ມີຄວາມສ່ຽງທາງການເມືອງຕໍ່ອີຣານດ້ວຍຂໍ້ອ້າງທີ່ໄຮ້ຄວາມເປັນຈິງເຫຼົ່ານີ້，ອີຣານຈະແກ້ໄຂກົນອຸບາຍທີ່ແນໃສ່ອີຣານຢ່າງເດັດຂາດໃນທັນທີ．