ຫ້ອງການວິສະວະກຳການບິນອະວະກາດບັນທຸກຄົນຂອງຈີນແຈ້ງໃຫ້ຮູ້ວ່າ：ເວລາ　17　ໂມງ　47　ນາທີຂອງວັນທີ　17　ກັນຍາປີ　2022　ຕາມເວລາປັກກິ່ງ，ເມື່ອໄດ້ອອກເຄື່ອນໄຫວນອກຫ້ອງໂມດູນເປັນເວລາປະມານ　5　ຊົ່ວໂມງ，ທ່ານເສີນຕົ່ງ　ນາງຫລີວຢາງແລະທ່ານໄຊ້ຊວີ້ເຈີ　ນັກບິນອະວະກາດເສີນໂຈ່ວ－14　ໄດ້ປະສານສົມທົບກັນຢ່າງໃກ້ຊິດ，ໄດ້ສຳເລັດໜ້າທີ່ທັງໝົດທີ່ກຳນົດໄວ້　ໃນໄລຍະອອກເຄື່ອນໄຫວນອກຫ້ອງໂມດູນ，ທ່ານເສີນຕົ່ງ　ທ່ານໄຊ້ຊວີ້ເຈີ　ນັກບິນອະວະກາດທັງສອງທ່ານໄດ້ກັບຄືນສູ່ຫ້ອງໂມດູນທົດລອງເວີ້ນທ່ຽນຢ່າງປອດໄພ，ການເຄື່ອນໄຫວນອກຫ້ອງໂມດູນໄດ້ປະສົບຜົນສຳເລັດຢ່າງຈົບງາມ．

ໃນໄລຍະນັກບິນອະວະກາດອອກເຄື່ອນໄຫວນອກຫ້ອງໂມດູນ，ໄດ້ສຳເລັດໜ້າທີ່　ຕ່າງໆ，ເຊັ່ນການຕິດຕັ້ງດ້າມຊ່ວຍແຮງນອກຫ້ອງໂມດູນ，　ການພິສູດການ　ຊ່ວຍເຫຼືອນອກຫ້ອງໂມດູນແລະອື່ນໆ，ທົ່ວຂະບວນການໄດ້ດຳເນີນໄປຢ່າງໂລ່ງລ່ຽນແລະຈົບງາມ，ໄດ້ກວດສອບຄວາມສາມາດໃນການປະສານສົມທົບກັນເຮັດວຽກລະຫວ່າງນັກບິນອະວະກາດແລະດ້າມກົນຈັກນ້ອຍຕື່ມອີກ，ໄດ້ພິສູດສະມັດຖະພາບແລະປະສິດທິພາບຂອງປະຕູຫ້ອງທົດລອງເວີ້ນທ່ຽນແລະອຸປະກອນທີ່ກ່ຽວຂ້ອງທີ່ສະໜັບສະໜູນການເຄື່ອນໄຫວນອກຫ້ອງໂມດູນ．