ອົງການຄຸ້ມຄອງຄອງຊູອິສຂອງເອຢິບໄດ້ອອກຖະແຫຼງການໃນວັນທີ　17　ກັນຍານີ້ວ່າ：ຈະປັບຂຶ້ນຄ່າທຳນຽມສຳລັບເຮືອທີ່ແລ່ນຜ່ານຄອງຊູອິສນັບແຕ່ເດືອນມັງກອນປີ　2023　ເປັນຕົ້ນໄປ．

ຖະແຫຼງການໄດ້ລະບຸໄວ້ວ່າ：ນັບແຕ່ເດືອນມັງກອນປີ　2023　ເປັນຕົ້ນໄປ，ຄ່າທຳນຽມສຳລັບເຮືອທ່ອງທ່ຽວແລະເຮືອຂົນສົງສິນຄ້າແຫ້ງຈະປັບຂຶ້ນ　10％，ຄ່າທຳນຽມສຳລັບເຮືອປະເພດອື່ນໆຈະປັບຂຶ້ນ　15％．ລາຄາພະລັງງານ　ຄ່າຂົນສົ່ງແລະອື່ນໆໄດ້ເພີ່ມສູງຂຶ້ນເລື້ອຍໆ，ນີ້ແມ່ນສາເຫດຕົ້ນຕໍທີ່ປັບຂຶ້ນຄ່າທຳນຽມແລ່ນຜ່ານໃນຄັ້ງນີ້．

ຄອງຊູອິສຕັ້ງຢູ່ຈຸດສຳຄັນຂອງເຂດຕໍ່ແດນລະຫວ່າງ　3　ທະວີບ　ຄືເອີຣົບ　ອາຊີແລະອາຟຣິກາ，ເຊື່ອມຕໍ່ທະເລແດງແລະທະເລເມດີແຕລະເນ．ລາຍຮັບຈາກຄອງສາຍນີ້ແມ່ນໜຶ່ງໃນແຫຼ່ງທີ່ມາຕົ້ນຕໍຂອງລາຍຮັບການເງິນແລະຄັງສຳຮອງເງິນຕາຕ່າງປະເທດຂອງປະເທດເອຢິບ．