ຕາມຂ່າວCRI: ສວນໝີແພນດາໃນສວນສັດພາຍຣີດາຍຊາຂອງແບນຊິກແມ່ນບ່ອນດຳລົງຊີວິດຂອງໝີແພນດາ “ສິ່ງຮຸ່ຍ”ແລະ “ຫາວຫາວ” ພ້ອມດ້ວຍລູກສາມໂຕຂອງພວກມັນ. ເມື່ອປີ 2014, ໃນໄລຍະຢ້ຽມຢາມແບນຊິກທາງລັດຖະກິດ, ທ່ານສີຈິ້ນຜິງ, ປະທານປະເທດຈີນພ້ອມດ້ວຍສົມເດັດຟີລີບເປ ເລໂປດ ລູອິສ ມາເຣຍເຈົ້າຊີວິດແບນຊິກໄດ້ເຂົ້າຮ່ວມພິທີເປີດສວນໝີແພນດາໃນສວນສັດພາຍຣີດາຍຊາ. ມາຮອດປັດຈຸບັນນີ້, ທ່ານເອຣິກ ໂດມ, ຫົວໜ້າສວນສັດພາຍຣີດາຍຊາເຊິ່ງໄດ້ເປັນສັກຂີພິຍານໃນພິທີເປີດສວນໝີແພນດາຍັງຮູ້ສຶກຕື່ນເຕັ້ນໃຈຫຼາຍເມື່ອຫວນຄືນເຖິງສະພາບການໃນເວລານັ້ນ. ທ່ານກ່າວວ່າ： ການເດີນທາງມາຢ້ຽມຢາມແບນຊິກຂອງທ່ານປະທານສີຈິ້ນຜິງໄດ້ເພີ່ມທະວີຄວາມເຂົ້າໃຈກັນລະຫວ່າງປະຊາຊົນເອີຣົບ-ຈີນ, ແລະມີຄວາມໝາຍສຳຄັນຫຼາຍ ຕໍ່ການຊຸກຍູ້ການເຊື່ອມຕໍ່ດ້ານຈິດໃຈຂອງປະຊາຊົນ.