ວັນທີ 12 ຕຸລານີ້，ທ່ານໄຕ້ປິ່ງ ຮອງຜູ້ແທນຖາວອນຂອງຈີນປະຈຳອົງການສະຫະປະຊາຊາດໄດ້ປະກອບຄຳຄິດຄຳເຫັນໃນກອງປະຊຸມອະພິປາຍຢ່າງເປີດເຜີຍກ່ຽວກັບ“ດິນຟ້າອາກາດ ແລະ ຄວາມໝັ້ນຄົງຂອງທະວີບອາຟຣິກາ”ຂອງສະພາຄວາມໝັ້ນຄົງອົງການສະຫະປະຊາຊາດ，ໂດຍທວງໃຫ້ປະເທດທີ່ພັດທະນາແລ້ວ ຈັດຕັ້ງປະຕິບັດຄຳໝັ້ນສັນຍາການລະດົມທຶນດ້ານດິນຟ້າອາກາດທີ່ໃຫ້ໄວ້ກັບທະວີບອາຟຣິການັ້ນໂດຍໄວ.

　　ທ່ານໄຕ້ປິ່ງກ່າວວ່າ：ການຊ່ວຍເຫຼືອທະວີບອາຟຣິກາເພື່ອຮັບມືກັບການປ່ຽນແປງຂອງດິນຟ້າອາກາດນັ້ນບໍ່ຢູ່ບ່ອນວ່າ　ຈະຮ້ອງຄຳຂວັນດ້ວຍສຽງດັງຂະໜາດໃດ，ແຕ່ຕ້ອງເບິ່ງວ່າ　ຄຳໝັ້ນສັນຍາໄດ້ປາກົດຜົນເປັນຈິງແລ້ວຫຼືບໍ່，ຄວາມຕ້ອງການຂອງທະວີບອາຟຣິກາໄດ້ຮັບການຕອບສະໜອງແລ້ວຫຼືບໍ່．ປະເທດທີ່ພັດທະນາແລ້ວໄດ້ໃຫ້ຄຳໝັ້ນສັນຍາວ່າ：ແຕ່ລະປີຈະສະໜອງການລະດົມທຶນດ້ານດິນຟ້າອາກາດ　100　ຕື້ໂດລາສະຫະລັດໃຫ້ກັບປະເທດທີ່ພວມພັດທະນາ，ປະເທດທີ່ພັດທະນາແລ້ວຂອງເອີຣົບໃຫ້ຄຳໝັ້ນສັນຍາວ່າ：ຮອດປີ　2025，ການສະໜັບສະໜູນດ້ານການເງິນແກ່ໂຄງການດິນຟ້າອາກາດຂອງປະເທດທີ່ອ່າວທຸກຍາກຢູ່ທະວີບອາຟຣິກາຈະເພີ່ມຂຶ້ນ　1　ເທົ່າ．ທັງໝົດເຫຼົ່ານີ້ຈະກາຍເປັນໃບເຊັກເປົ່າບໍ່ໄດ້，ຕ້ອງໄຊ້ໜີ້ທາງປະຫວັດສາດໂດຍໄວ，ພ້ອມທັງກຳນົດເປົ້າໝາຍລະດົມທຶນຮວມໝູ່ອັນໃໝ່，ເຮັດໃຫ້ປະເທດຢູ່ທະວີບອາຟຣິກາໄດ້ເຫັນເງິນຄຳແທ້，ໄດ້ເຫັນປະສິດທິຜົນຕົວຈິງ．