ຕາມຂ່າວCRI: ວັນທີ 17 ຕຸລານີ້, ພິທີຂຶ້ນຮັບຕຳແໜ່ງຂອງທ່ານອັບດູນ ຣາຊິດປະທານາທິບໍດີຄົນໃໝ່ອີຣັກໄດ້ຈັດຂຶ້ນຢູ່ນະຄອນຫຼວງແບັກແດັດຂອງອີຣັກ.

ໃນມື້ດຽວກັນ, ທ່ານອັບດູນ ຣາຊິດກ່າວຄຳປາໄສໃນພິທີຂຶ້ນຮັບຕຳແໜ່ງວ່າ, ຫວັງວ່າຈະປະກອບສ້າງລັດຖະບານທີ່ເຂັ້ມແຂງ, ມີປະສິດທິພາບສູງແລະເປັນເອກະພາບກັນ, ຕອບສະໜອງຄວາມມຸ່ງມາດປາດຖະໜາຂອງປະຊາຊົນທີ່ຕໍ່ຄວາມໝັ້ນຄົງ, ສະຖຽນລະພາບແລະການບໍລິການ.

ທ່ານອັບດູນ ຣາຊິດເກີດຢູ່ແຂວງຊູເລີຍມານີຢາທີ່ເຂດປົກຄອງຕົນເອງເຄີດິສຕັນທາງພາກເໜືອອີຣັກໃນປີ 1944, ເຄີຍດຳລົງຕຳແໜ່ງເປັນລັດຖະມົນຕີຊັບພະຍາກອນນ້ຳ, ນັບແຕ່ປີ 2010 ເປັນຕົ້ນມາເປັນທີ່ປຶກສາຂັ້ນສູງຂອງປະທານາທິບໍດີອີຣັກ.