ຕາມຂ່າວCRI: ວັນທີ 19 ຕຸລານີ້, ທ່ານເຮີ້ໂຢງ, ຮອງເລຂາຄະນະພັກ, ທັງເປັນຮອງຫົວໜ້າຂອງສານປະຊາຊົນສູງສຸດກ່າວວ່າ: ໃນຍຸກໃໝ່ສານຂອງປະເທດຈີນຈະສືບຕໍ່ເພີ່ມທະວີຄວາມແຮງດ້ານການຮັກສາທາງຕຸລາການຕໍ່ລິສິດຊັບສິນທາງປັນຍາ, ສະໜອງການບໍລິການດ້ານຕຸລາການຢ່າງແຂງແຮງເພື່ອບັນລຸການເປັນເຈົ້າຕົນແລະສ້າງຄວາມເຂັ້ມແຂງດ້ວຍຕົນເອງໃນລະດັບສູງທາງດ້ານວິທະຍາສາດເຕັກໂນໂລຊີ.

ທ່ານເຮີ້ໂຢງກ່າວໃນເວລາຕອບຄຳຖາມໃນກອງປະຊຸມຖະແຫຼງຂ່າວຄັ້ງທີ 3 ທີ່ສູນຖະແຫຼງຂ່າວຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 20 ຂອງພັກຄອມມູນິດຈີນວ່າ: ປັດຈຸບັນນີ້, ຂອບເຂດການພິພາກສາດ້ານສິດຊັບສິນທາງປັນຍາຂອງສານປະເທດຈີນເຊິ່ງລວມທັງລິຂະສິດ, ເຄື່ອງໝາຍ, ສິດທິບັດ, ຄວາມລັບດ້ານການຄ້າແລະຄະດີທີ່ກ່ຽວຂ້ອງຕ່າງໆ, ປະເພດຄວາມຂັດແຍ່ງນັບມື້ນັບຫຼາຍຂຶ້ນ. ນັບແຕ່ປີ 2013 ເປັນຕົ້ນມາໄດ້ຕັດສິນຄະດີກ່ຽວກັບສິດຊັບສິນທາງປັນຍາຮອບທຳອິດ 2 ລ້ານ 7 ແສນ 38 ພັນຄະດີ, ເພີ່ມຂຶ້ນ 24,5% ສະເລ່ຍຕໍ່ປີ.

ທ່ານເຮີ້ໂຢງຍັງກ່າວວ່າ, ໃນບາດກ້າວຕໍ່ໜ້ານີ້, ຕ້ອງລົງເລິກການແລກປ່ຽນແລະການຮ່ວມມືທາງຕຸລາການສາກົນ, ຍົກສູງພາບພົດຢ່າງຍຸຕິທຳແລະບົດບາດໃນສາກົນດ້ານການປົກປ້ອງສິດຊັບສິນທາງປັນຍາຂອງຈີນຢ່າງບໍ່ຢຸດຢັ້ງ.