ຕາມຂ່າວCRI: ຜົນການຄັດເລືອກລາງວັນໃຫຍ່ລາຍການຕ່າງໆຂອງສະມາຄົມຄະນະກຳມະການໂອລິມປິກປະເທດແລະເຂດແຄວ້ນປີ 2022 ໄດ້ຮັບການເປີດເຜີຍໃນຕອນຄ່ຳວັນທີ 19 ຕຸລານີ້ຢູ່ນະຄອນຫຼວງເຊອູນຂອງສ.ເກົາຫຼີ, ຄະນະກຳມະການໂອລິມປິກຈີນໄດ້ຮັບລາງວັນຄະນະກຳມະການໂອລິມປິກທີ່ດີເດັ່ນຂອງງານກິລາໂອລິມປິກລະດູໜາວປັກກິ່ງປີ 2022, ນາງກູອາຍລີງ, ນັກກິລາຈີນທີ່ຊິງໄດ້ຫຼຽນຄຳສອງຫຼຽນແລະຫຼຽນເງິນໜຶ່ງຫຼຽນໃຫ້ແກ່ຄະນະນັກກິລາຈີນໃນງານກິລາໂອລິມປິກລະດູໜາວປັກກິ່ງໄດ້ຮັບລາງວັນນັກກິລາຍິງທີ່ດີເດັ່ນ, ທ້າວຫວງແດເຮນ, ນັກກິລາສະເກັດຄວາມໄວໄລຍະສັ້ນຂອງສ.ເກົາຫຼີໄດ້ຮັບລາງວັນນັກກິລາຊາຍທີ່ດີເດັ່ນ, ທິມເຄີລີງຊູແອດໄດ້ຮັບລາງວັນທິມກິລາຊາຍທີ່ດີເດັ່ນ, ທິມຮອກກີການາດາໄດ້ຮັບລາງວັນທິມກິລາຍິງທີ່ດີເດັ່ນ.
ລາງວັນໃຫຍ່ຂອງສະມາຄົມຄັ້ງນີ້ລວມທັງໝົດ 8 ລາຍການ, ຜູ້ໄດ້ຮັບລາງວັນທັງໝົດໄດ້ຮັບການຄັດເລືອກໂດຍຄະນະກຳມະການຄັດເລືອກແລະພິຈາລະນາຂອງສະມາຄົມຄະນະກຳມະການໂອລິມປິກສາກົນ. ມີຜູ້ຕາງໜ້າຂອງຄະນະກຳມະການໂອລິມປິກແລະບຸກຄົນທີ່ກ່ຽວຂ້ອງກັບກິລາໂອລິມປິກທີ່ມາຈາກ 180 ກວ່າປະເທດແລະເຂດແຄວ້ນໄດ້ເຂົ້າຮ່ວມພິທີມອບລາງວັນທີ່ໄດ້ຈັດຂຶ້ນໃນຕອນຄ່ຳວັນທີ 19 ຕຸລານີ້.