ວັນທີ 29 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍສະມາຄົມມິດຕະພາບຣັດເຊຍ-ຈີນສ້າງຕັ້ງຂຶ້ນຄົບຮອບ 65 ປີ.

ເນື້ອໃນສານຊົມເຊີຍຂອງທ່ານສີຈິ້ນຜິງລະບຸວ່າ: ນັບແຕ່ສະມາຄົມມິດຕະພາບຣັດເຊຍ-ຈີນສ້າງຕັ້ງຂຶ້ນມາເປັນເວລາ 65 ປີ, ສະມາຄົມໄດ້ຍຶດໝັ້ນແນວຄວາມຄິດທີ່ມີໄມຕີຈິດມິດຕະພາບຕໍ່ກັບຈີນ, ໄດ້ປະກອບສ່ວນອັນສຳຄັນເຂົ້າໃນການເພີ່ມຄວາມເຂົ້າໃຈກັນ, ມິດຕະພາບ ແລະໄວ້ເນື້ອເຊື່ອໃຈກັນລະຫວ່າງປະຊາຊົນສອງປະເທດ, ໄດ້ປັບປຸງພື້ນຖານແຫ່ງການສະໜັບສະໜູນຂອງປະຊາຊົນທີ່ມີຕໍ່ການພົວພັນມິດຕະພາບລະຫວ່າງສອງປະເທດໃຫ້ດີຂຶ້ນ. ປັດຈຸບັນ, ການພົວພັນຄູ່ປະສານງານຍຸດທະສາດຮອບດ້ານໃນຍຸກໃໝ່ລະຫວ່າງຈີນ-ຣັດເຊຍ ໄດ້ຮັກສາທ່ວງທ່າ ການພັດທະນາໃນລະດັບສູງ, ການແລກປ່ຽນແລະການຮ່ວມມືໃນຂົງເຂດຕ່າງໆໄດ້ກ້າວເຂົ້າສູ່ລວງເລິກຢ່າງບໍ່ຢຸດຢັ້ງ, ມິດຕະພາບລະຫວ່າງປະຊາຊົນສອງຊາດໄດ້ລົງສູ່ລວງເລິກຢ່າງຕໍ່ເນື່ອງ, ພາລະກິດມິດຕະພາບລະຫວ່າງປະຊາຊົນຈີນ-ຣັດເຊຍມີອະນາຄົດທີ່ກວ້າງຂວາງແລະສາມາດສ້າງຜົນງານອັນພົ້ນເດັ່ນໄດ້. ຫວັງວ່າສະມາຄົມມິດຕະພາບຣັດເຊຍ-ຈີນຈະເສີມຂະຫຍາຍມູນເຊື້ອອັນດີງາມ, ເສີມຂະຫຍາຍບົດບາດໃຫ້ຫຼາຍກວ່າເກົ່າເພື່ອຊຸກຍູ້ການເຊື່ອມສາຍພົວພັນທາງດ້ານຈິດໃຈຂອງປະຊາຊົນສອງປະເທດ.

ມື້ດຽວກັນ, ທ່ານວະລາດີເມຍ ປູຕິນ ປະທານາທິບໍດີຣັດເຊຍກໍໄດ້ສົ່ງສານຊົມເຊີຍສະມາຄົມມິດຕະພາບຣັດເຊຍ-ຈີນສ້າງຕັ້ງຂຶ້ນຄົບຮອບ 65 ປີເຊັ່ນດຽວກັນ.