ຫ້ອງການໂຄງການການບິນອະວະກາດບັນທຸກຄົນຂອງຈີນແຈ້ງຂ່າວວ່າ: ພາຍຫຼັງຫ້ອງທົດລອງເມິ້ງທ່ຽນຖືກສົ່ງເຂົ້າສູ່ວົງໂຄຈອນແລ້ວ, ໄດ້ເຊື່ອມຕໍ່ກັບດ້ານໜ້າຂອງຫ້ອງແກນກາງທ່ຽນເຫີຂອງສະຖານີອະວະກາດຈີນຢ່າງສຳເລັດຜົນ ໃນເວລາ 4 ໂມງ 27 ນາທີຂອງວັນທີ 1 ພະຈິກປີ 2022 , ໄລຍະການເຊື່ອມຕໍ່ໃຊ້ເວລາ 13 ຊົ່ວໂມງ. ຈາກນັ້ນ, ຈະປ່ຽນຕຳແໜ່ງຂອງຫ້ອງທົດລອງເມິ້ງທ່ຽນຕາມແຜນການ, ຫ້ອງທົດລອງເມິ້ງທ່ຽນຮ່ວມກັບຫ້ອງແກນກາງທ່ຽນເຫີ ແລະ ຫ້ອງທົດລອງເວີ້ນທ່ຽນປະກອບເປັນສະຖານີອະວະກາດພື້ນຖານທີ່ເປັນຮູບໂຕ “T”.