ວັນທີ 24 ພະຈິກນີ້, ທ່ານດາໂຕະ ເຊີຣີ ອັນວາ ບິນ ອີບຣາຮິມ ສາບານຕົວຂຶ້ນຮັບຕຳແໜ່ງນາຍົກລັດຖະມົນຕີມາເລເຊຍ ຢູ່ພະລາຊະວັງແຫ່ງຊາດ ທີ່ນະຄອນຫຼວງກວາລາລຳເປີ.

ທ່ານອັນວາ ແມ່ນຜູ້ນຳຂອງສະຫະພັນຄວາມຫວັງມາເລເຊຍ, ເຄີຍດຳລົງຕຳແໜ່ງເປັນຮອງນາຍົກລັດຖະມົນຕີມາເລເຊຍ. ໃນກອງປະຊຸມຖະແຫຼງຂ່າວທີ່ຈັດຂຶ້ນພາຍຫຼັງ, ທ່ານອັນວາກ່າວວ່າ, ຈຸດສຸມໃນການປະຕິບັດນະໂຍບາຍຂອງລັດຖະບານຊຸດໃໝ່ ແມ່ນ ການຟື້ນຟູເສດຖະກິດ, ຄວາມໝັ້ນຄົງດ້ານການເມືອງ ແລະການຮັບປະກັນຄວາມກົມກຽວຂອງການພົວພັນລະຫວ່າງຊົນເຜົ່າຕ່າງໆແລະກຸ່ມສາສະໜາຕ່າງໆ.