ຕາລາງລາຍການ FM93Mhz

ສອງກອງທັບຈີນ-ລາວຈະຈັດກິດຈະກຳແລກປ່ຽນໄມຕີຈິດມິດຕະພາບດ້ານການປ້ອງກັນປະເທດຕາມຊາຍແດນຄັ້ງທີ 3

2022-11-25 14:31:43 CRI

 

ຕາມຂ່າວCRI: ວັນທີ 24 ພະຈິກນີ້, ໃນກອງປະຊຸມຖະແຫຼງຂ່າວປະຈຳຂອງກະຊວງປ້ອງກັນປະເທດຈີນ, ທ່ານຫວູຊ່ຽນ, ໂຄສົກກະຊວງປ້ອງກັນປະເທດຈີນກ່າວວ່າ: ຜ່ານການເປິກສາຫາລືຂອງສອງຝ່າຍ, ສອງກອງທັບຈີນ-ລາວຈະຈັດກິດຈະກຳແລກປ່ຽນໄມຕີຈິດມິດຕະພາບດ້ານການປ້ອງກັນປະເທດຢູ່ເຂດຊາຍແດນຄັ້ງທີ 3.

 

ກິດຈະກຳຄັ້ງນີ້ມີຈຸດປະສົງເພື່ອປະຕິບັດຕາມຄວາມເຫັນສຳຄັນທີ່ເປັນເອກະພາບກັນຂອງຜູ້ນຳສອງພັກ, ສອງລັດແລະສອງກອງທັບຈີນ-ລາວໃຫ້ເປັນຈິງ, ຊຸກຍູ້ໃຫ້ມິດຕະພາບທີ່ເປັນມູນເຊື້ອລະຫວ່າງສອງຝ່າຍໄດ້ຮັບການພັດທະນາລົງສູ່ລວງເລິກ, ເພີ່ມທະວີຄວາມໄວ້ເນື້ອເຊື່ອໃຈກັນດ້ານຍຸດທະສາດແລະການຮ່ວມມືຕາມຊາຍແດນລະຫວ່າງສອງກອງທັບ, ຮ່ວມກັນປົກປັກຮັກສາສັນຕິພາບແລະສະຖຽນລະພາບຢູ່ຕາມເຂດຊາຍແດນ.