ວັນທີ 21 ທັນວານີ້, ທ່ານເກີງສວງ ຮອງຜູ້ຕາງໜ້າຖາວອນຈີນປະຈຳອົງການສະຫະປະຊາຊາດ  ໄດ້ກ່າວຄຳປາໄສໃນກອງປະຊຸມເປີດເຜີຍກ່ຽວກັບບັນຫາການເມືອງ ແລະ ມະນຸດສະທຳຢູ່ຊີຣີຂອງສະພາຄວາມໝັ້ນຄົງອົງການສະຫະປະຊາຊາດ, ທ່ານຮຽກຮ້ອງໃຫ້ເຄົາລົບອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊີຣີ.

    ທ່ານເກີງສວງກ່າວວ່າ, ໃນໄລຍະໜຶ່ງຜ່ານມານີ້, ສະຖານະການຢູ່ຊີຣີໄດ້ປັ່ນປ່ວນຢ່າງຕໍ່ເນື່ອງ. ຕູຣາເຄຍ ແລະ ອິສຣາແອນໄດ້ໂຈມຕີຊີຣີຢູ່ເລື້ອຍໆ. ຊີຣີແມ່ນປະເທດອະທິປະໄຕແຫ່ງໜຶ່ງ. ການເຄື່ອນໄຫວທາງການທະຫານໃດໆຢູ່ພາຍໃນຊີຣີ, ຖ້າບໍ່ໄດ້ຮັບຄວາມເຫັນດີຈາກລັດຖະບານຊີຣີ, ບໍ່ວ່າມີຂໍ້ອ້າງແນວໃດກໍຕາມ, ແມ່ນຖືວ່າໄດ້ລ່ວງລະເມີີດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊີຣີແລ້ວ. ຈີນຮຽກຮ້ອງໃຫ້ຕູຣາເຄຍ ແລະ ອິສຣາແອນຍຸດຕິການໂຈມຕີຂ້າມຊາດໃນທັນທີ, ຍຶດໝັ້ນແກ້ໄຂບັນຫາ ທີ່ກ່ຽວຂ້ອງໂດຍຜ່ານການສົນທະນາ ແລະ ການເປິກສາຫາລື.

    ທ່ານເກີງສວງກ່າວຕື່ມວ່າ, ການແກ້ໄຂບັນຫາຊີຣີຢ່າງເໝາະສົມ, ເວົ້າເລື່ອງກົກຮາກແລ້ວກໍຕ້ອງຜ່ານວິທີທາງການທູດ. ການແກ້ໄຂບັນຫາໂດຍ ຜ່ານວິທີທາງການທູດຍິ່ງໄວເທົ່າໃດ, ຄວາມຫຍຸ້ງຍາກລຳບາກຂອງປະຊາຊົນຊີຣີ ກໍຈະສິ້ນສຸດລົງໄວເທົ່ານັ້ນ.