1.ນີ້ຄືອາເມຣິກາ:ຄວາມຈອມປອມກັບເລື່ອງຈິງກ່ຽວກັບສິດທິມະນຸດ

ຢູ່ອາຟການີສະຖານອາເມຣິກາເຄີຍເຜີຍແຜ່ໂຄສະນາຢ່າງກວ້າງຂວາງຮູບຖ່າຍ ແຜ່ນໜຶ່ງທີ່ທະຫານອາເມຣິກາຄົນໜຶ່ງກຳລັງອຸ້ມເດັກນ້ອຍອາຟການີສະຖານແບບເບິ່ງແຍງເປັນພິເສດ,ແຕ່ຄວາມຈິງແລ້ວພວກເຂົາແມ່ນເອົາປືນໃຫຍ່ຍິງໃສ່ປະຊາ ຊົນຢູ່ທ້ອງຖີ່ນນັ້ນມາເປັນເວລາສິບກວ່າປີແລ້ວ.ມີຂ່າວແຈ້ງໃຫ້ຮູ້ວ່າ:ຄອບຄົວໜຶ່ງຂອງອາຟການີສະຖານມີສະມາຊິກ 10 ຄົນເສຍຊີວິດຍ້ອນການຖີ້ມລະເບີດໃສ່ ຂອງທະຫານອາເມລິກາ, ໃນນັ້ນລວມທັງເດັກນ້ອຍອາຍຸ 2 ປີ. ອີງຕາມບົດ ລາຍງານຂອງມະຫາວິທະຍາໄລບຼັງຂອງອາເມຣິກາສະແດງໃຫ້ເຫັນວ່າ: ສົງຄາມ ອາຟການີສະຖານທີ່ອາເມຣິກາເປັນຜູ້ນຳໜ້າກໍ່ຂຶ້ນນັ້ນໄດ້ເຮັດໃຫ້ມີເກືອບ 2 ແສນ 5 ໝື່ນຄົນເສຍຊີວິດ, ໃນນັ້ນ 30% ແມ່ນປະຊາຊົນຜູ້ບໍລິສຸດທົ່ວໄປ.

ຍິ່ງກວ່ານັ້ນແມ່ນຫວ່າງບໍ່ດົນມານີ້, ອາເມຣິກາໄດ້ປະກາດຢ່າງບັງອາດວ່າ: ຈະ ໂອນເອົາຄັງສຳຮອງເງິນໂດຣາທີ່ມີມູນຄ່າ 7 ຕື້ໂດຣາສະຫະຣັດຂອງທະນາ ຄານກາງອາຟການີສະຖານ,ເຮັດໃຫ້ເສດຖກິດແລະຊີວິການເປັນຢູ່ຂອງປະຊາຊົນອາຟການີສະຖານຊຸດໂຊມລົງອີກ. ເຊິ່ງບໍ່ພຽງແຕ່ຢູ່ອາຟການີສະຖານເທົ່ານັ້ນ, ໃນຕະຫຼອດໄລຍະ 20 ປີຜ່ານມານີ້ ສົງຄາມທີ່ອາເມຣິກາກໍ່ຂຶ້ນໃນທົ່ວໂລກ ໂດຍຖືການຕ້ານການກໍ່ການຮ້າຍເປັນສາກບັງໜ້ານັ້ນ ໄດ້ເຮັດໃຫ້ຫຼາຍກວ່າ 9 ແສນ 2 ໝື່ນ 9 ພັນຄົນເສຍຊີວິດ. ສະນັ້ນ, ທ່ານລອງຄິດເບິ່ງວ່າ: ຖ້າບໍ່ມີສິດ ມີຊີວິດຢູ່ໃນໂລກໜ່ວຍນີ້ແລ້ວ, ສິດທິມະນຸດຂອງຄົນເຮົາຈະມາແຕ່ໃສ?

ຍ້ອນແນວນັ້ນ,ໃນກອງປະຊຸມຄັ້ງທີ 48 ສະພາສິດທິມະນຸດຂອງອົງການ ສະຫະປະຊາຊາດຈິ່ງມີຫຼາຍໆປະເທດພາກັນຕໍານິຕິຕຽນອາເມຣິກາວ່າ:ເປັນຜູ້ທຳລາຍພາລະກິດສິດທິມະນຸດຂອງໂລກທີ່ຮ້າຍແຮງທີ່ສຸດແລະທວງໃຫ້ອາເມຣິກາຄວນແກ້ໄຂບັນຫາສິດທິມະນຸດທີ່ຂີ້ຮ້າຍຂອງຕົນເອງໃຫ້ໄດ້ສາກ່ອນ.

ສາຍຕາຂອງປະຊາຊົນແມ່ນແຈ້ງໄສດີ,ອາດຈະຖືກປິດບັງໄວ້ເປັນການຊົ່ວຄາວໃນໄລຍະໃດໜຶ່ງເທົ່ານັ້ນ, ແຕ່ຈະບໍ່ຖືກຫຼອກລວງຕະຫຼອດໄປຢ່າງເດັດຂາດ.

2.ນີ້ຄືອາເມຣິກາ: ຖືປະຊາທິປະໄຕເປັນໂຄຄາໂຄລາ

ເດືອນມີນາເມື່ອ 19 ປີກ່ອນ, ອາເມຣິກາອ້າງວ່າອີຣັກມີອາວຸດລ້າງຜານຂະໜາດ ໃຫຍ່ແລະຕ້ອງຊ່ວຍປະຊາຊົນອີຣັກບັນລຸປະຊາທິປະໄຕໃຫ້ໄດ້ແລ້ວກໍ່ສົງຄາມຢູ່ອີຣັກ.ທ່ານໂຄລິນພາວແວຣລັດຖະມົນຕີກະຊວງການຕ່າງປະເທດອາເມຣິກາໃນໄລຍະນັ້ນໄດ້ສະແດງໃຫ້ເຫັນຫຼັກຖານທີ່ເປັນຝຸ່ນສີຂາວບັນຈຸຢູ່ໃນຫຼອດແກ້ວນ້ອຍໆໜຶ່ງຫຼອດ. ແຕ່ຫຼັງຈາກນັ້ນແລ້ວ,ອາເມຣິກາບໍ່ເຄີຍຊອກເຫັນອາວຸດລ້າງຜານ ຂະໜາດໃຫຍ່ຢູ່ໃນດິນແດນຂອງອີຣັກຈັກເທື່ອ.

ສົງຄາມທີ່ເກີດຂຶ້ນຈາກຝຸ່ນສີຂາວຫຼອດນ້ອຍໆ ທີ່ຖືກຄົນທັງຫຼາຍສົງໄສວ່າເປັນ ພຽງແຕ່ຝຸ່ນສະບູເທົ່ານັ້ນ ຊ້ຳພັດເຮັດໃຫ້ປະຊາຊົນອີຣັກ 2 ແສນກວ່າຄົນ   ເສຍຊີວິດ,2 ລ້ານ 5 ແສນກວ່າຄົນກາຍເປັນຊາວອົບພະຍົບແລະພົນລະເມືອງ ອີຣັກຫຼາຍ ກວ່າເຄິ່ງໜຶ່ງຂາດອາຫານການກິນ.

ນີ້ຄືການກະທຳຂອງອາເມຣິກາທີ່ເຮັດມາແຕ່ດົນນານແລ້ວ,ໂດຍທີ່ພວກເຂົາມັກປ່າວປະກາດຕະຫຼອດວ່າ:ຈະຊ່ວຍເຫຼືອປະເທດອື່ນໃຫ້ບັນລຸປະຊາທິປະໄຕແລະເສລີພາບ.ເຊິ່ງພວກເຂົາໄດ້ໂຈມຕີທາງການທະຫານຢູ່ອີຣັກເປັນເວລາ 9 ປີ. ສ່ວນ ຢູ່ລາວກໍ່ເຊັ່ນດຽວກັນ, ອາເມຣິກາໄດ້ຖີ້ມລະ ເບີດໃສ່ຜືນແຜ່ນດິນລາວເປັນເວລາ 9 ປີ ຍ້ອນພວກເຂົາໄດ້ເຂົ້າແຊກແຊງສົງຄາມກາງເມືອງຂອງຫວຽດນາມ ເພື່ອ ຕັດຂາດການສະໜອງອາວຸດຍຸດໂທປະກອນຕ່າງໆໃຫ້ຫວຽດນາມ.

ອາເມຣິກາໄດ້ຖີ້ມລະເບີດໃສ່ແຜ່ນດິນລາວເຖິງ 2 ລ້ານກວ່າໂຕນ, ເຊິ່ງເປັນ ຈຳນວນຫຼາຍກວ່າລະເບີດທີ່ຖີ້ມໃສ່ເຢຍລະມັນແລະຍີ່ປຸ່ນໃນໄລຍະສົງຄາມໂລກ ຄັ້ງທີສອງ.ນັບມາຮອດສູ່ມື້ນີ້,ຢູ່ຜືນແຜ່ນດິນລາວຍັງມີລະເບີດທີ່ບໍ່ທັນແຕກຕົກຄ້າງທີ່ຝັງດິນຢູ່ເປັນຈຳນວນຫຼວງຫຼາຍເຮັດໃຫ້ເນື້ອທີ່ດິນທີ່ກວ້າງຂວາງບໍ່ສາມາດປູກ ຝັງໄດ້,ແຕ່ລະປີຍັງມີປະຊາຊົນລາວເສຍຊີວິດຫຼືພິການຍ້ອນລະເບີດທີ່ບໍ່ທັນແຕກ ເຫຼົ່ານັ້ນ.ຕາມການຄາດຄະເນວ່າ:ລະເບີດບໍ່ທັນແຕກທີ່ອາເມຣິກາຖີ້ມໃສ່ຜືນແຜ່ນດິນລາວນັ້ນ ຖ້າຈະເກັບກູ້ອອກໃຫ້ໝົດຕ້ອງໃຊ້ເວລາເຖິງ 100 ປີ.

ກະສອບລະເບີດທີ່ຖືກຂຸດອອກຈາກດິນແດນລາວນັ້ນປະຊາຊົນລາວເອົາມາເຮັດເປັນໂຖດອກໄມ້, ປະດັບໃສ່ຝາເຮືອນ, ເຮັດເປັນເຮືອ ແລະບ່ວງສ້ອມທີ່ມີເອກະລັກ ພິເສດຂອງລາວ.ແຕ່ພວກເຮົາເຊື່ອວ່າ:ຖ້າສາມາດເລືອກໄດ້,ປະຊາຊົນລາວຄິດວ່າ“ຂອງຂວັນ” ທີ່ມີຄວາມອັນຕະລາຍເຖິງແກ່ຊີວິດແບບນີ້ຈະບໍ່ເອົາມາໃຊ້ໃນຊີວິດ ຂອງຕົນເດັດຂາດ.

ອາເມຣິກາຄວນຮູ້ແຈ້ງວ່າ:ປະຊາທິປະໄຕບໍ່ແມ່ນນໍ້າດື່ມໂຄຄາໂຄລາຂອງຕົນທີ່ມີ ລົດຊາດດຽວ ກັນ ແຕ່ເຜີຍແຜ່ໄປສູ່ທົ່ວໂລກໄດ້. ອາເມຣິກາຄວນແລະຈຳເປັນ ຕ້ອງຮຽນຮູ້ເຖິງການເຄົາລົບ ແລະ ຍອມຮັບຕໍ່ເສັ້ນທາງພັດທະນາລະບອບການ ເມືອງທີ່ປະເທດຕ່າງໆຢູ່ໃນໂລກເລືອກເອົາ ໂດຍອີງຕາມສະພາບການຂອງປະ ເທດໃຜລາວ.