ອີງຕາມສື່ມວນຊົນຣັດເຊຍລາຍງານໃຫ້ຮູ້ວ່າ: ວັນທີ 26 ມັງກອນນີ້, ທ່ານນາງວິກໂຕເຣຍ ນູລັນ ຮອງລັດຖະມົນຕີກະຊວງການຕ່າງປະເທດອາເມຣິກາໄດ້ກ່າວໃນກອງປະຊຸມຟັງຄຳໃຫ້ການຂອງລັດຖະສະພາອາເມຣິກາວ່າ: ເຊື່ອວ່າ ລັດຖະບານອາເມຣິກາຮູ້ສຶກພໍໃຈຕໍ່ທໍ່ສົ່ງອາຍແກັສທຳມະຊາດ Nord Stream ຖືກທຳລາຍ.

  ຕໍ່ກັບເລື່ອງນີ້， ທ່ານນາງມາເຣຍ ຊັກຄາໂຣວາ ໂຄສົກກະຊວງການຕ່າງປະເທດຣັດເຊຍໄດ້ລະບຸຢູ່ສື່ສັງຄົມອອນລາຍເມື່ອວັນທີ 28 ມັງກອນນີ້ວ່າ： ຄຳເວົ້າຂອງທ່ານນາງນູລັນເປັນຫຼັກຖານທີ່ລັດຖະບານອາເມຣິກາເຫັນດີນຳການໂຈມຕີແບບກໍ່ການຮ້າຍຕໍ່ພື້ນຖານໂຄງລ່າງພົນລະເຮືອນ， ທັງສະແດງໃຫ້ເຫັນວ່າ ອາເມຣິກາມີຈຸດປະສົງຢາກທຳລາຍຄວາມໝັ້ນຄົງດ້ານພະລັງງານຂອງໂລກ.

   ອີງຕາມຂ່າວສານ Sputnik ຂອງຣັດເຊຍລາຍງານໃຫ້ຮູ້ວ່າ： ຄຳເວົ້າຂອງທ່ານນາງນູລັນກ່ຽວກັບທໍ່ສົ່ງອາຍແກັສທຳມະຊາດ Nord Stream ຖືກຕຳໜິຕິຕຽນຢູ່ພາຍໃນປະເທດອາເມຣິກາ.