ພູວ້ານໂຊ້ຢຽນຕັ້ງຢູ່ເມືອງຊ່ານໝິງແຂວງຟູຈ້ຽນຂອງຈີນ, ແມ່ນຮ່ອງຮອຍບູຮານໃນຍຸກຫີນເກົ່າ, ຖືກຈັດເຂົ້າໃນບັນຊີລາຍຊື່ “10 ສິ່ງທີ່ຄົ້ນພົບໃໝ່ໃນການສຳຫຼວດບູຮານຄະດີທົ່ວປະເທດຈີນ” ປະຈຳປີ 2000.

    ເມື່ອ 20 ກວ່າປີກ່ອນ, ຍ້ອນວ່າໂຮງງານເຫຼັກກ້າຊ່ານໝິງຂຸດຄົ້ນບໍ່ແຮ່, ພູວ້ານໂຊ້ຢຽນເກືອບຖືກທຳລາຍ. ຈະລະເບີດຖິ້ມ ຫຼື ອະນຸລັກໄວ້, ທ່ານສີຈິ້ນຜິງ ຮັກສາການເຈົ້າແຂວງແຂວງຟູຈ້ຽນໃນເວລານັ້ນໄດ້ໃຫ້ຄຳຊີ້ແຈງ, ພູວ້ານໂຊ້ຢຽນຈິ່ງຖືກອະນຸລັກໄວ້ຢ່າງສຳເລັດຜົນ. ສ່ວນໂຮງງານເຫຼັກກ້າຊ່ານໝິງກໍຢູ່ໃນໃຈຂອງທ່ານສີຈິ້ນຜິງມາໂດຍຕະຫຼອດ, ໂດຍແນໃສ່ການພັດທະນາໃນໄລຍະກາງແລະໄລຍະຍາວ, ທ່ານສີຈິ້ນຜິງຊີ້ອອກວ່າ: ໂຮງງານເຫຼັກກ້າຊ່ານໝິງສາມາດເດີນຕາມເສັ້ນທາງການພັດທະນາແບບຍືນຍົງ ໂດຍຜ່ານການປະດິດສ້າງວິທະຍາຍາດເຕັກນິກ ແລະຫຼຸດຜ່ອນການສິ້ນເປືອງພະລັງງານ. ເລື່ອງພູວ້ານໂຊ້ຢຽນ ແລະ ເລື່ອງໂຮງງານເຫຼັກກ້າຊ່ານໝິງ, ຄວາມຈິງກໍເປັນການອະທິບາຍທີ່ດີທີ່ສຸດຕໍ່ຄວາມເວົ້າຂອງທ່ານສີຈິ້ນຜິງທີ່ວ່າ: ການອະນຸລັກວັດຖຸບູຮານ ກັບ ການພັດທະນາການຜະລິດ ຕ້ອງໄປຄຽງຄູ່ກັນ.