ໂດຍແນໃສ່ສື່ມວນຊົນຕາເວັນຕົກຈຳນວນໜຶ່ງປ່າວຖ້ອຍຄວາມໃໝ່ວ່າ： ແມ່ນ “ຝ່າຍເຂົ້າຂ້າງອູແກຣນ”　ໄດ້ກໍ່ເຫດການລະເບີດທໍ່ສົ່ງອາຍແກັສທຳມະຊາດ “Nord Stream”，　ວັນທີ　１０　ມີນານີ້，　ທ່ານເຊີເກ　ລັຟລົຟ，　ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ，　ຖ້ອຍຄວາມແບບນີ້ແມ່ນບໍ່ມີຫຼັກຖານອ້າງອີງແຕ່ປະການໃດ．

ໃນເວລາໃຫ້ສຳພາດຕໍ່ສື່ມວນຊົນຣັດເຊຍ，　ທ່ານລັຟລົຟກ່າວວ່າ，　ໂດຍແນໃສ່ເຫດການລະເບີດທໍ່ສົ່ງອາຍແກັສທຳມະຊາດ　“Nord Stream”，ສື່ມວນຊົນຕາເວັນຕົກເຄີຍລາຍງານວ່າ，　ມີແຕ່ກຳລັງລະດັບປະເທດເທົ່ານັ້ນຈຶ່ງຈະສາມາດສຳເລັດການເຄື່ອນໄຫວທີ່ສັບສົນແບບນີ້．　ທ່ານເຫັນວ່າ，　ການລາຍງານຂ່າວກ່ຽວກັບ　“ຝ່າຍເຂົ້າຂ້າງອູແກຣນ”　ໄດ້ກໍ່ເຫດການລະເບີດທໍ່ສົ່ງອາຍແກັສທຳມະຊາດ “Nord Stream”　ນັ້ນ　ແມ່ນບໍ່ມີຫຼັກຖານອ້າງອີງແຕ່ປະການໃດ，　ພາໃຫ້ຄົນເກີດຄວາມສົງໄສ．　ພ້ອມກັນນັ້ນ， ທ່ານລັຟລົຟໄດ້ສະແດງຄວາມເສຍດາຍຕໍ່ລັດຖະບານເຢຍລະມັນທີ່ໄດ້ຮັບເອົາສະພາບຄວາມເປັນຈິງທີ່ທໍ່ສົ່ງອາຍແກັສທຳມະຊາດ “Nord Stream”　ຖືກທຳລາຍ ແລະເສຍຄ່າຕອບແທນຢ່າງໃຫຍ່ຫຼວງເພື່ອຊອກຫາພະລັງງານທົດແທນ．