ວັນທີ 13 ມີນານີ້, ທ່ານ ຫູຈ້າວມິງ ໂຄສົກຄະນະພົວພັນຕ່າງປະເທດສູນກາງພັກຄອມມູນິດຈີນໄດ້ປະກາດວ່າ: ກອງປະຊຸມສົນທະນາລະດັບການນຳຂັ້ນສູງລະຫວ່າງພັກຄອມມູນິດຈີນກັບພັກການເມືອງຂອງບັນດາປະເທດຢູ່ໃນໂລກຈະຈັດຂຶ້ນຜ່ານທາງວິດີໂອໃນວັນທີ 15 ມີນານີ້ຕາມເວລາປັກກິ່ງ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ,ປະທານປະເທດຈີນຈະເຂົ້າຮ່ວມພິທີໄຂແລະກ່າວຄຳປາໄສທີ່ສຳຄັນໃນກອງປະຊຸມຄັ້ງນີ້. ຫົວຂໍ້ຕົ້ນຕໍຂອງກອງປະຊຸມຄັ້ງນີ້ແມ່ນ “ເສັ້ນທາງແຫ່ງການຫັນເປັນທັນສະໄໝ: ໜ້າທີ່ຮັບຜິດຊອບຂອງພັກການເມືອງ”, ຜູ້ນຳພັກການເມືອງແລະອົງການຈັດຕັ້ງການເມືອງຂອງຫຼາຍປະເທດຈະເຂົ້າຮ່ວມກອງປະຊຸມຕາມການເຊື້ອເຊີນ.