ວັນທີ 27 ພຶດສະພານີ້, ສື່ມວນຊົນອູແກຣນລາຍງານວ່າ: ທ່ານວາຊີລີ ມາຢູກ ຫົວໜ້າອົງການຮັກສາຄວາມໝັ້ນຄົງແຫ່ງຊາດອູແກຣນໃຫ້ສຳພາດຕໍ່ສື່ມວນຊົນອູແກຣນວ່າ: ອົງການຮັກສາຄວາມໝັ້ນຄົງແຫ່ງຊາດອູແກຣນໄດ້ໃຊ້ “ມາດຕະການໃດໜຶ່ງ” ໃນເຫດການລະເບີດຂົວໃຫຍ່ກຣືມທີ່ເກີດຂຶ້ນໃນເດືອນຕຸລາປີກາຍນີ້, ແຕ່ທ່ານປະຕິເສດໃຫ້ລາຍລະອຽດຫຼາຍກວ່າ.

    ທ່ານວາຊີລີ ມານຢູກກ່າວຕື່ມວ່າ, ອີງຕາມ “ກົດໝາຍສາກົນ ແລະ ປະເພນີປະຕິບັດໃນໄລຍະສົງຄາມ”, ຂົວໃຫຍ່ກຣືມແມ່ນພາກເສັ້ນທາງລຳລຽງພາລະທິການຂອງຝ່າຍສັດຕູທີ່ “ຕ້ອງ” ໄດ້ທຳລາຍ, ສະນັ້ນ, ອູແກຣນໄດ້ໃຊ້ “ມາດຕະການໃດໜຶ່ງ” ທີ່ສອດຄ່ອງກັນ.

    ທ່ານວາຊີລີ ມານຢູກຍັງຍອບຮັບວ່າ: ກຳປັ່ນລຳໜຶ່ງຢູ່ຖານທັບເຮືອຂອງຣັດເຊຍໃນທະເລດຳທີ່ຕັ້ງຢູ່ເຂດເສວາສໂຕໂປນຖືກໂຈມຕີດ້ວຍຍົນບໍ່ມີຄົນຂັບໃນເດືອນຕຸລາປີກາຍນີ້ກໍແມ່ນ “ການກະທຳພິເສດຕາມແຜນເທື່ອໜຶ່ງ” ຂອງອົງການຮັກສາຄວາມໝັ້ນຄົງແຫ່ງຊາດອູແກຣນເຊັ່ນດຽວກັນ.