ຕອນຄ່ຳວັນທີ 23 ກັນຍານີ້, ງານມະຫາກຳກິລາເອຊຽນເກມຄັ້ງທີ 19 ໄດ້ຈັດຂຶ້ນຢູ່ນະຄອນຫາງໂຈ່ວ ສປ ຈີນ. ໃນໄລຍະ 15 ມື້ຕໍ່ໄປນີ້, ນັກກິລາຂອງບັນດາປະເທດອາຊີຈະຮ່ວມກັນເຂົ້າຮ່ວມງານກິລາທີ່ໃຫຍ່ໂຕມະໂຫລານ ທີ່ເຕັມໄປດ້ວຍກຽດສັກສີ ແລະ ຄວາມໃຝ່ຝັນ. ງານກິລາເອຊຽນເກມຄັ້ງນີ້ໄດ້ຈັດໃຫ້ມີລາຍການແຂ່ງຂັນໃຫຍ່ 40 ລາຍການ, ລາຍການນ້ອຍ 61 ລາຍການ ແລະ ລາຍການຍ່ອຍ 481 ລາຍການ ເຊິ່ງເປັນງານກິລາເອຊຽນເກມຄັ້ງໜຶ່ງທີ່ມີລາຍການແຂ່ງຂັນຫຼາຍທີ່ສຸດໃນປະຫວັດສາດ.

ວັນທີ 24 ກັນຍານີ້ແມ່ນວັນແຂ່ງຂັນກິລາວັນທຳອິດ ພາຍຫຼັງພິທີໄຂງານມະຫາກຳກິລາເອຊຽນເກມຄັ້ງທີ 19 ຫາງໂຈ່ວ, ຈະດຳເນີນການແຂ່ງຂັນໃນ 25 ລາຍການໃຫຍ່ ເຊັ່ນ: ການຊ່ວງເຮືອ, ມວຍວູຊູ້ ແລະ ລອຍນ້ຳເປັນຕົ້ນ, ຈະຊີງເອົາຫຼຽນຄຳທັງໝົດ 31 ຫຼຽນ.