ວັນທີ 31 ຕຸລາແລ້ວນີ້, ພິທີເປີດປ້າຍສຳນັກງານກອງເລຂາຮ່ວມສະພາການຄ້າຈີນ-ອາຊຽນໄດ້ຈັດຂຶ້ນຢູ່ສະມາຄົມຊຸກຍູ້ການຄ້າເຂດປົກຄອງຕົນເອງເຜົ່າຈ້ວງກວາງຊີຈີນທີ່ນະຄອນນານນີງ.

    ສະພາມົນຕີການຄ້າຈີນ-ອາຊຽນແມ່ນໜຶ່ງໃນ 5 ກົນໄກການສົນທະນາການຮ່ວມມື ລະຫວ່າງຈີນ ກັບ ອາຊຽນ,ແມ່ນກົນໄກປະຕິບັດງານເພື່ອໃຫ້ວົງການອຸດສາຫະກຳ ແລະ ການຄ້າຂອງຈີນ ກັບ ອາຊຽນດຳເນີນການສົນທະນາ ແລະ ຮ່ວມມກັນື. ສະພານີ້ປະກອບດ້ວຍສະມາຄົມຊຸກຍູ້ການຄ້າຈີນ, ສະມາຄົມອຸດສາຫະກຳແລະການຄ້າຂອງ 10 ປະເທດສະມາຊິກອາຊຽນ ພ້ອມດ້ວຍນັກທຸລະກິດ ແລະ ຊ່ຽວຊານຜູ້ມີຊື່ສຽງຂອງບັນດາປະເທດສະມາຊິກອາຊຽນ, ສຸມກຳລັງຊຸກຍູ້ໃຫ້ວິສາຫະກິດຕ່າງໆຂອງຈີນ ແລະ ອາຊຽນສົນທະນາກັນ ແລະ ດຳເນີນການຮ່ວມມືກັນ, ເພື່ອຊຸກຍູ້ການຄ້າ ແລະ ການລົງທຶນລະຫວ່າງຈີນ ກັບ ອາຊຽນ, ສະໜັບສະໜູນໃຫ້ອາຊຽນເຊື່ອມໂຍງເຂົ້າກັນ.