ຕາມຂ່າວສື່ມວນຊົນຟີລິບປິນລາຍງານໃຫ້ຮູ້ວ່າ, ຢູ່ພາກໃຕ້ຟີລິບປິນໄດ້ເກີດ ແຜ່ນດິນໄຫວຮຸນແຮງ, ເຮັດໃຫ້ນະຄອນຕາກູມ, ແຂວງດາເວົາເໜືອມີເຮືອນ 1 ຫຼັງພັງທະລາຍ, ມີຜູ້ເສຍຊີວິດ 1 ຄົນ ແລະ ບາດເຈັບ 2 ຄົນ.

    ເວລາ 22 ໂມງ 37 ນາທີຂອງວັນທີ 2 ທັນວານີ້ຕາມເວລາທ້ອງຖິ່ນ, ເຂດທະເລໃກ້ກັບແຂວງຊູຣີເກົາໃຕ້ຢູ່ເກາະມິນດານາວ ທາງພາກໃຕ້ຟີລິບປິນໄດ້ເກີດ ແຜ່ນດິນໄຫວຄວາມແຮງ 7,4 ຣິກເຕີ. ພາຍຫຼັງເກີດແຜ່ນດິນໄຫວແລ້ວ, ເຂດທະເລດັ່ງກ່າວເກີດແຮງສັ່ນສະເທືອນຫຼາຍ, ມີຄວາມແຮງ 6,1 ຣິກເຕີ, 5,1 ຣິກເຕີ ແລະ 6,0 ຣິກເຕີເປັນຕົ້ນຕາມລຳດັບໃນຕອນຂ້ອນແຈ້ງຂອງວັນທີ 3 ທັນວານີ້.