ວັນທີ 7 ທັນວາ 2023, ກອງປະຊຸມເວທີເປິກສາຫາລືການຮ່ວມມືລາວ-ຈີນພາຍໃຕ້ຫົວຂໍ້ “ໜຶ່ງແລວໜຶ່ງເສັ້ນທາງ” ຄັ້ງທີສອງຈັດຂຶ້ນຢູ່ນະຄອນຫຼວງວຽງຈັນ ແຫ່ງ ສປປ ລາວ ໂດຍເນັ້ນຫົວຂໍ້ “ຄູ່ຮ່ວມຊາຕາກຳຈີນ-ລາວ: ຍຸກໃໝ່, ກາລະໂອກາດໃໝ່ ແລະ ການສາທິດໃໝ່”.

ຜູ້ແທນທີ່ເຂົ້າຮ່ວມກອງປະຊຸມໄດ້ສະຫຼຸບໝາກຜົນອັນອຸດົມສົມບູນທີ່ໄດ້ຮັບຂອງການຮ່ວມມືລະຫວ່າງຈີນກັບລາວພາຍຫຼັງຈີນສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຄົບຮອບ 10 ປີເປັນຕົ້ມາ ແລະ ກ່າວວ່າ: ການຮ່ວມມືໃນຫຼາຍຂົງເຂດລະຫວ່າງຈີນກັບລາວຈະສືບຕໍ່ເພີ່ມພະລັງຊຸກດັນໃໝ່ເຂົ້າໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ.

ການຈັດກອງປະຊຸມເວທີສົນທະນາຄັ້ງນີ້ຈະມີຜົນດີຕໍ່ສອງປະເທດດຳເນີນການແລກປ່ຽນແລະຮ່ວມມືດ້ານວັດທະນະທຳ ແລະ ທ່ອງທ່ຽວໃຫ້ດີກວ່າເກົ່າ, ຊຸກຍູ້ການໄປມາຫາສູ່ກັນລະຫວ່າງປະຊາຊົນສອງປະເທດ, ຊຸກຍູ້ໃຫ້ວັດທະນະທຳຂອງສອງປະເທດແລກປ່ຽນ ແລະ ຮ່ຳຮຽນເຊິ່ງກັນແລະກັນ ແລະ ເຊື່ອມສານຈິດໃຈຂອງປະຊາຊົນສອງຊາດ; ມີຜົນດີຕໍ່ການເພີ່ມທະວີການແລກປ່ຽນລະຫວ່າງສອງປະເທດຈີນ-ລາວຕື່ມອີກ, ສະໜອງແນວຄິດໃໝ່ ແລະ ຄວາມຄິດໃໝ່ໃຫ້ແກ່ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ.