ວັນທີ 28 ມັງກອນນີ້, ປະຊາຊົນເປັນໝື່ນຄົນໄດ້ຈັດງານໂຮມຊຸມນຸມຢູ່ນະຄອນມິວນິກປະເທດເຢຍລະມັນເພື່ອປະທ້ວງລັດຖະບານເຢຍລະມັນທີ່ປະຕິບັດນະໂຍບາຍສ່ວຍສາອາກອນໃນປັດຈຸບັນ ແລະ ໃຫ້ການສະໜັບສະໜູນດ້ານການທະຫານຕໍ່ອູແກຣນ.

    ຝ່າຍຈັດຕັ້ງການປະທ້ວງກ່າວວ່າ: ມີປະຊາຊົນຫຼາຍກວ່າ 35.000 ຄົນໄດ້ລົງທະບຽນເຂົ້າຮ່ວມການປະທ້ວງ. ເຈົ້າໜ້າທີ່ຕຳຫຼວດນະຄອນມິວນິກກ່າວວ່າ: ມີຜູ້ປະທ້ວງຫຼາຍກວ່າ 1 ໝື່ນຄົນໄດ້ຈັດງານໂຮມຊຸມນຸມຢູ່ນະຄອນມິວນິກໃນວັນດັ່ງກ່າວ.

    ປະຊາຊົນຜູ້ປະທ້ວງໄດ້ສະແດງຄວາມບໍ່ພໍໃຈຕໍ່ລັດຖະບານເຢຍລະມັນທີ່ໄດ້ຫຼຸດເງິນອຸດໜູນດ້ານກະສິກຳພາຍໃນປະເທດໃຫ້ໜ້ອຍລົງ ແລະ ຍົກສູງອາກອນການບໍລິໂພກດ້ານອາຫານການກິນໃນຂະນະທີ່ໃຫ້ການສະໜັບສະໜູນດ້ານການທະຫານແກ່ອູແກຣນ.