ຄຽງຄູ່ກັບຊາວກະສິກອນຂອງຫຼາຍປະເທດສະມາຊິກສະຫະພາບເອີຣົບຈັດການປະທ້ວງຢ່າງຕໍ່ເນື່ອງ, ລັດຖະມົນຕີກະຊວງກະສິກຳຂອງບັນດາປະເທດສະມາຊິກສະຫະພາບເອີຣົບໄດ້ຈັດກອງປະຊຸມຄະນະກຳມະການກະສິກຳສະຫະພາບເອີຣົບຢູ່ນະຄອນຫຼວງບຣຸກແຊນປະເທດແບນຊິກໃນວັນທີ 26 ກຸມພານີ້ ເພື່ອເປິກສາຫາລືວ່າຄວນເຮັດແນວໃດຈຶ່ງສາມາດຮັບມືກັບວິກິດການກະສິກຳໃນປັດຈຸບັນນີ້ໄດ້. ພ້ອມດຽວກັນນີ້, ຊາວກະສິກອນຂອງທະວີບເອີຣົບໄດ້ຈັດການປະທ້ວງຢູ່ນະຄອນຫຼວງບຣຸກແຊນ, ໂດຍໄດ້ຂັບລົດໄຖນາຫຼາຍຮ້ອຍຄັນເຂົ້າໄປນະຄອນຫຼວງບຣຸກແຊນ, ທະໜົນຫົນທາງ, ອຸມົງ ແລະ ສະຖານີລົດເມຫຼາຍແຫ່ງຈຳເປັນຕ້ອງປິດບໍລິການ.

    ຍ້ອນມີຄວາມບໍ່ພໍໃຈຕໍ່ນະໂຍບາຍກະສິກຳຂອງສະຫະພາບເອີຣົບເຮັດໃຫ້ຕົ້ນທຶນການຜະລິດດ້ານກະສິກໍາໃນສະຫະພາບເອີຣົບສູງຂຶ້ນ ແລະ ຜະລິດຕະພັນກະສິກຳຂອງອູແກຣນເຂົ້າສູ່ສະຫະພາບເອີຣົບຫຼາຍຂຶ້ນ, ໄລຍະມໍ່ໆມານີ້, ຊາວກະສິກອນຂອງຫຼາຍປະເທດໃນທະວີບເອີຣົບໄດ້ຈັດການປະທ້ວງໃນຮູບແບບຕ່າງໆຢ່າງຕໍ່ເນື່ອງ.