ກອງປະຊຸມຄັ້ງທີ 2 ຂອງສະພາເປິກສາການເມືອງປະຊາຊົນແຫ່ງຊາດຈີນຊຸດທີ 14 ໄດ້ປິດລົງໃນຕອນເຊົ້າວັນທີ 10 ມີນານີ້. ນັບແຕ່ກອງປະຊຸມໄດ້ໄຂຂຶ້ນໃນວັນທີ 4 ມີນານີ້ເປັນຕົ້ນມາ, ສະມາຊິກສະພາເປິກສາການເມືອງປະຊາຊົນແຫ່ງຊາດຈີນ 2.000 ກວ່າທ່ານທີ່ມາຈາກ 34 ວົງການໄດ້ລົງເລິກຫາລືກ່ຽວກັບວຽກງານການເມືອງ,ໄດ້ເຕົ້າໂຮມຄວາມຮັບຮູ້ທີ່ເປັນເອກະພາບກັນຢ່າງກວ້າງຂວາງ; ນັບມາຮອດເວລາ 20 ໂມງຂອງວັນທີ 5 ມີນານີ້,ກອງປະຊຸມໄດ້ຮັບຍັດຕິທັງໝົດ 5.898 ສະບັບ.

      ອີງຕາມ “ກົດຂໍ້ກຳນົດກ່ຽວກັບວຽກງານສະເໜີຍັດຕິຂອງຄະນະກຳມະການສະພາເປິກສາການເມືອງປະຊາຊົນແຫ່ງຊາດຈີນ”ແລະຂໍ້ກຳນົດລະອຽດກ່ຽວກັບວຽກງານພິຈາລະນາຍັດຕິ,ຜ່ານການພິຈາລະນາແລ້ວ,ໄດ້ກຳນົດຍັດຕິ 5.006 ສະບັບ,ຍັດຕິລວມ 160 ສະບັບ,ສ້າງໃຫ້ເປັນຂໍ້ສະເໜີ 732 ສະບັບ. ພາຍຫຼັງກອງປະຊຸມໄດ້ປິດລົງແລ້ວ,ຍັດຕິເຫຼົ່ານີ້ຈະໄດ້ຮັບການຍື່ນໄປໃຫ້ຫົວໜ່ວຍທີ່ຮັບຜິດຊອບນຳໄປພິຈາລະນາແກ້ໄຂ.