ສື່ມວນຊົນອາເມຣິກາລາຍງານໃນຫວ່າງມໍ່ໆມານີ້ວ່າ: ເຮືອບິນທີ່ບໍ່ມີຄົນຂົບ ແລະ ລູກສອນໄຟທີ່ອີຣານຍິງໃນວັນທີ 14 ເມສານີ້ ຍັງບໍ່ທັນໄປຮອດອິດສະຣາແອນກໍຖືກປະເທດພັນທະມິດ ຄື: ອາເມຣິກາ, ອັງກິດ ແລະ ຝຣັ່ງຍິງຕົກແລ້ວ. ເມື່ອທຽບໃສ່ອິດສະຣາແອນແລ້ວ, ອູແກຣນໄດ້ຮ້ອງຂໍໃຫ້ປະເທດຕາເວັນຕົກເພີ່ມທະວີການສະໜັບສະໜູນໃນໄລຍະມໍ່ໆມານີ້,  ແຕ່ວ່າເງິນທຶນຊ່ວຍເຫຼືອຂອງອາເມຣິກາກໍຍັງຄ້າງຄາຢູ່ກັບສະພາອາເມຣິກາ. ທ່ານໂວໂລດີເມຍ ເຊເລນສະກີ ປະທານາທິບໍດີອູແກຣນໄດ້ສະແດງຄວາມບໍ່ພໍໃຈຕໍ່ກັບເລື່ອງນີ້.

    ທ່ານໂວໂລດີເມຍ ເຊເລນສະກີກ່າວວ່າ: ອິດສະຣາແອນບໍ່ແມ່ນປະເທດສະມາຊິກກຸ່ມນາໂຕ, ສະນັ້ນ, ການໂຈມຕີອິດສະຣາແອນບໍ່ໄດ້ແຕະຕ້ອງເຖິງຂໍ້ມາດຕາປ້ອງກັນລວມໝູ່ຂອງກຸ່ມນາໂຕ, ແຕ່ວ່າອາເມຣິກາ, ອັງກິດ ແລະ ຝຣັ່ງກໍຍັງໄດ້ດຳເນີນການເຄື່ອນໄຫວ, ຫາກບໍ່ໄດ້ຊ່ວຍເຫຼືອອູແກຣນຕາມຄຳໝັ້ນສັນຍາ ເຊິ່ງໄດ້ສະແດງໃຫ້ເຫັນວ່າປະເທດພັນທະມິດບໍ່ໄດ້ອຳນວຍການສະໜັບສະໜູນທີ່ພຽງພໍໃຫ້ແກ່ອູແກຣນ.