ວັນທີ 17 ເມສານີ້, ທ່ານວິເຕິ ກາສປາຣ ຫົວໜ້າພະແນກການເງິນຂອງອົງການກອງທຶນເງິນຕາສາກົນ ຫຼືIMFໄດ້ໃຫ້ສຳພາດຕໍ່ນັກຂ່າວCMGວ່າ: ການປະດິດສ້າງໃໝ່ໄດ້ກາຍເປັນກຳລັງຂັບເຄື່ອນທີ່ສຳຄັນຂອງການພັດທະນາເສດຖະກິດຈີນ.

ທ່ານກາສປາຣກ່າວວ່າ: ການປະດິດສ້າງໃໝ່ ແລະກຳລັງການຜະລິດຄຸນນະພາບໃໝ່ແມ່ນວຽກງານບຸລິມະສິດທີ່ສຳຄັນຂອງຈີນ ແລະຈີນກໍໄດ້ບັນລຸຜົນງານທີ່ສຳຄັນຫຼາຍດ້ານ ຄື: ຂົງເຂດການຜະລິດພະລັງງານສີຂຽວ, ລົດພະລັງງານໃໝ່ ແລະອື່ນໆ. ປັດຈຸບັນນີ້, ຫຼາຍປະເທດພວມພະຍາຍາມຫັນໄປສູ່ການປະດິດສ້າງໃໝ່, ສີຂຽວ ແລະກາກບອນຕ່ຳ ເຊິ່ງສະແດງໃຫ້ເຫັນເຖິງຄວາມສຳຄັນຂອງການຮ່ວມມືໃນທົ່ວໂລກ, ພວກເຮົາເຫັນວ່າ: ຈີນມີບົດບາດທີ່ສຳຄັນຫຼາຍຕໍ່ການຮ່ວມມືດັ່ງກ່າວໃນທົ່ວໂລກ.