ຫວ່າງມໍ່ໆມານີ້ ປະຊາຊົນຍີ່ປຸ່ນພາກັນກ່າວຟ້ອງລັດຖະບານແລະບໍລິສັດພະລັງງານໄຟຟ້າໂຕກຽວ ເພື່ອຮຽກຮ້ອງໃຫ້ຍຸດຕິການລະບາຍນ້ຳປົນເປື້ອນລັງສີນິວເຄລຍລົງສູ່ທະເລ.

   ມາຮອດປັດຈຸບັນນີ້, ໄດ້ມີ 360 ກວ່າຄົນເຂົ້າຮ່ວມເປັນກຸ່ມໂຈດຂະໜາດໃຫຍ່ທີ່ສຸດຢູ່ຍີ່ປຸ່ນແລະຮຽກຮ້ອງໃຫ້ຍຸດຕິການລະບາຍນ້ຳປົນເປື້ອນລັງສີນິວເຄລຍລົງສູ່ທະເລ, ເຂົາເຈົ້າຮຽກຮ້ອງໃຫ້ຍຸດຕິການກະທຳດັ່ງກ່າວທີ່ຈະສ້າງຜົນຮ້າຍຢ້ອນຫຼັງໃຫ້ສິ່ງແວດລ້ອມທາງທະເລຂອງທົ່ວໂລກແລະສຸຂະພາບຂອງມວນມະນຸດ, ທະເລເປັນຂອງມວນມະນຸດ, ຫາກບໍ່ແມ່ນຖັງໃສ່ຂີ້ເຫຍື້ອ.

   ຍີ່ປຸ່ນບໍ່ເອົາຫົວຊານຳການຄັດຄ້ານຈາກປະເທດອ້ອມຂ້າງແລະຄວາມເປັນຫ່ວງຂອງປະຊາຄົມໂລກ, ຊູຊີລະບາຍນ້ຳປົນເປື້ອນລັງສີນິວເຄລຍຂອງໂຮງໄຟຟ້າ ຟຸຄຸຊິມະໃຫ້ລົງສູ່ທະເລ. ນອກນີ້, ນັບແຕ່ເລີ່ມລະບາຍນ້ຳປົນເປື້ອນລັງສີນິວເຄລຍລົງສູ່ທະເລເປັນຕົ້ນມາ, ບໍລິສັດພະລັງງານໄຟຟ້າເລກໜຶ່ງໂຕກຽວທີ່ຮັບຜິດຊອບໂຮງໄຟຟ້າ ຟຸຄຸຊິມະ ຍັງປະຕິບັດງານບໍ່ຖືກຕ້ອງ, ການຄຸ້ມຄອງດູແລກໍບໍ່ມີຄວາມລະມັດລະວັງ ຈົນເຮັດໃຫ້ເກີດອຸບັດເຫດເລື້ອຍໆ.