ວັນທີ 21 ເມສານີ້, “ໜັງສືພິມບາງກອກໂພສ” ລາຍງານວ່າ: ມື້ດຽວກັນ, ສູນຄວບຄຸມພະຍາດແຫ່ງຊາດໄທເຜີຍໃຫ້ຮູ້ວ່າ, ຫຼັງຈາກບຸນສົງການ, ຈຳນວນຜູ້ປ່ວຍນອນປິນປົວຢູ່ໃນໂຮງໝໍຍ້ອນຕິດເຊື້ອພະຍາດໂຄວິດ-19 ໄດ້ເພີ່ມຂຶ້ນຢ່າງຫຼວງຫຼາຍ.

    ຊ່ວງຍາມພັກບຸນສົງການຂອງໄທໃນປີນີ້ແມ່ນລະຫວ່າງວັນທີ 11 ຫາວັນທີ 16ເມສານີ້. ຫົວໜ້າສູນຄວບຄຸມພະຍາດແຫ່ງຊາດໄທກ່າວວ່າ: ໃນເວລາໜຶ່ງອາທິດທີ່ຜ່ານມາ, ຈຳນວນຜູ້ປ່ວຍເຂົ້ານອນປິ່ນປົວຢູ່ໂຮງໝໍຍ້ອນຕິດເຊື້ອພະຍາດໂຄວິດ-19 ທີ່ເພີ່ມໃໝ່ຂອງໄທໄດ້ມີ 1.004 ກໍລະນີ, ສະເລ່ຍແລ້ວແຕ່ລະມື້ແມ່ນເພີ່ມຂຶ້ນ 143 ກໍລະນີ. ໃນນັ້ນມີຜູ້ເສຍຊີວິດ 3 ຄົນ ເຊິ່ງຜູ້ທີ່ເສຍຊີວິດແມ່ນຄົນທີ່ຈັດຢູ່ໃນປະເພດຄວາມສ່ຽງສູງ ລວມທັງຜູ້ເຖົ້າ, ຜູ້ມີພະຍາດຊຳເຮື້ອ ແລະ ຜູ້ຖືພາ.