ທ່ານ ລີນຊີ່ສຽງ ໂຄສົກໂຄງການການບິນອະວະກາດບັນທຸກຄົນຂອງຈີນ ຮອງຫົວໜ້າຫ້ອງການວຽກງານໂຄງການການບິນອະວະກາດບັນທຸກຄົນຂອງຈີນໄດ້ກ່າວໃນກອງປະຊຸມຖະແຫຼງຂ່າວກ່ຽວກັບການປະຕິບັດພາລະກິດການບິນອະວະກາດບັນທຸກຄົນຂອງຍານອະວະກາດເຊີນໂຈ່ວ 18 ທີ່ຈັດຂຶ້ນໃນວັນທີ 24 ເມສານີ້ວ່າ: ຕາມແຜນການ,ຈຸນັກບິນອະວະກາດປະຈຳຍານອະວະກາດເຊີນໂຈ່ວ 17 ຈະກັບຄືນສູ່ສະໜາມລົງຈອດຕົ່ງເຟີ່ງໃນວັນທີ 30 ເມສານີ້ພາຍຫຼັງໄດ້ສຳເລັດການປ່ຽນແທນກັບຈຸນັກບິນອະວະກາດປະຈຳຍານອະວະກາດເຊີນໂຈ່ວ 18.
ໃນໄລຍະປະຕິບັດພາລະກິດຕາມວົງໂຄຈອນ, ຈຸນັກບິນອະວະກາດປະຈຳຍານອະວະກາດເຊີນໂຈ່ວ 17 ໄດ້ດຳເນີນການທົດລອງນຳໃຊ້ທາງອະວະກາດຢູ່ຕາມວົງໂຄຈອນທັງໝົດ 84 ໂຄງການ ເຊິ່ງກ່ຽວຂ້ອງກັບຫຼາຍຂົງເຂດເຊັ່ນ:ວິທະຍາສາດຊີວິດທາງອະວະກາດແລະເຕັກນິກຊີວະສາດທາງອະວະກາດເປັນຕົ້ນ.