ວັນທີ27ເມສານີ້, ທ່ານຮຸນມາເນັດ ນາຍົກລັດຖະມົນຕີກຳປູເຈຍໄດ້ຖະແຫຼງຜ່ານທາງສື່ສັງຄົມອ໋ອນລາຍວ່າ: ມື້ດຽວກັນ,ສາງລະເບີດແຫ່ງໜຶ່ງຢູ່ພາກຕາເວັນຕົກຂອງກຳປູເຈຍໄດ້ເກີດໄຟໄໝ້ ພາໃຫ້ເກີດລະເບີດຢ່າງຕໍ່ເນື່ອງ,ເຮັດໃຫ້ທະຫານເສຍຊີວິດ 20 ຄົນ.

ທ່ານຮຸນມາເນັດຢືນຢັນວ່າ: ສາງລະເບີດແຫ່ງໜຶ່ງຂອງຖານທັບຢູ່ແຂວງກຳປົງສະປືໄດ້ເກີດໄຟໄໝ້ແຮງໃນເວລາປະມານ 14 ໂມງ 30 ນາທີ, ຫຼັງຈາກເກີດລະເບີດແລ້ວ ເຮັດໃຫ້ທະຫານເສຍຊີວິດ20ຄົນ, ນອກນີ້ຍັງມີຫຼາຍຄົນໄດ້ຮັບບາດເຈັບ. ສະນັ້ນ, ເພິ່ນໄດ້ສະແດງຄວາມເຫັນໃຈຕໍ່ຄອບຄົວຜູ້ເສຍຊີວິດແລະຜູ້ບາດເຈັບຈາກເຫດການຄັ້ງນີ້.

ຫົວໜ້າກອງບັນຊາການຕຳຫຼວດແຂວງກຳປົງສະປືໄດ້ໃຫ້ສຳພາດຕໍ່ສື່ມວນຊົນວ່າ: ປັດຈຸບັນ ເຈົ້າໜ້າທີ່ຕຳຫຼວດກຳລັງສືບສວນສອບສວນຫາສາເຫດທີ່ພາໃຫ້ເກີດເຫດການຄັ້ງນີ້ ຂະນະທີ່ຜົນເສຍຫາຍພວມຢູ່ໃນຂັ້ນຕອນເກັບກຳຂໍ້ມູນຢູ່.