ວັນທີ 30 ເມສານີ້, ກົມການເມືອງສູນກາງພັກຄອມມູນິດຈີນໄດ້ຈັດກອງປະຊຸມ, ໂດຍຕົກລົງເຫັນດີຈະຈັດກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20 ຢູ່ນະຄອນຫຼວງປັກກິ່ງໃນເດືອນກໍລະກົດປີນີ້, ວາລະກອງປະຊຸມສຳຄັນຄື: ກົມການເມືອງສູນກາງພັກລາຍງານວຽກງານຕໍ່ຄະນະກຳມະການສູນກາງພັກ, ສຸມໃສ່ການຄົ້ນຄວ້າບັນຫາກ່ຽວກັບການລົງເລິກການປະຕິຮູບຢ່າງຮອບດ້ານ, ແລະ ຊຸກຍູ້ຄວາມທັນສະໄໝແບບຈີນ. ກອງປະຊຸມຍັງໄດ້ວິເຄາະຄົ້ນຄວ້າສະພາບການເສດຖະກິດ  ແລະ ວຽກງານເສດຖະກິດໃນປັດຈຸບັນ, ຄົ້ນຄວ້າພິຈາລະນາ “ຄວາມເຫັນກ່ຽວກັບຊຸກຍູ້ນະໂຍບາຍ ແລະ ມາດຕະການຊຸກຍູ້ການພັດທະນາເຂດສາມຫຼ່ຽມປາກແມ່ນ້ຳຢາງເຊດ້ວຍຄຸນນະພາບສູງໃຫ້ເຂົ້າສູ່ລວງເລິກຢ່າງຕໍ່ເນື່ອງ”. ທ່ານສີຈິ້ນຜິງ, ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນເປັນປະທານກອງປະຊຸມ.