ວັນທີ 30 ເມສາແລ້ວນີ້, “ເວທີເປິກສາຫາລືການແລກປ່ຽນລະຫວ່າງນັກວິຊາການຄັງປັນຍາລະດັບສູງຈີນ-ເອີຣົບກາງແລະຕາເວັນອອກທີ່ມີຫົວຂໍ້: ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ກັບການພັດທະນາຄວາມທັນສະໄໝ” ທີ່ເປັນເຈົ້າພາບຮ່ວມໂດຍພະແນກແຜນການຄົ້ນຄວ້າວິທະຍາສາດຂອງສະຖາບັນຄົ້ນຄວ້າປະຫວັດສາດແລະເອກະສານຂອງພັກສູນກາງພັກກອມມູນິດຈີນ, ສະຖາບັນຄົ້ນຄວ້າຂອງຂ່າວສານຊິ່ນຮວາແລະສະຖາບັນຄົ້ນຄວ້າການເມືອງແລະເສດຖະກິດສາກົນຂອງແຊັກບີໄດ້ຈັດຂຶ້ນຢູ່ແຊັກບີຢ່າງສຳເລັດຜົນ, ມີຜູ້ຊ່ຽວຊານ 50 ກວ່າທ່ານທີ່ມາຈາກຈີນ, ແຊັກບີ, ຣູມານີ, ໂປໂລຍໄດ້ເຂົ້າຮ່ວມເວທີເປິກສາຫາລືຄັ້ງນີ້.
ຜູ້ເຂົ້າຮ່ວມເວທີເປິກສາຫາລືເຫັນວ່າ: ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ສະໜອງໂອກາດໃຫ້ແກ່ການຊຸກຍູ້ການຫັນເປັນທັນສະໄໝຂອງບັນດາປະເທດສະມາຊິກ. ທ່ານສີຈິ້ນຜິງ ປະທານປະເທດຈີນຈະເດີນທາງໄປຢ້ຽມຢາມແຊັກບີທາງລັດຖະກິດໃນໄວໆນີ້, ເຊິ່ງຈະຊຸກຍູ້ໃຫ້ການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດລະຫວ່າງສອງປະເທດໄດ້ຮັບຜົນສຳເລັດໃໝ່ຢ່າງໃຫຍ່ຫຼວງກວ່າເກົ່າ.