ກອງປະຊຸມເວທີເປິກສາຫາລືເສດຖະກິດໂລກໄດ້ຈັດກອງປະຊຸມວິສາມັນຢູ່ນະຄອນຫຼວງລີຢັດປະເທດອາຣັບບີ ຊາອູດິດລະຫວ່າງວັນທີ 28 ຫາ 29 ເມສາຜ່ານມານີ້. ທ່ານນາງ ຊາເດຍ ຈາຮີດີ ຜູ້ອຳນວຍການຄະນະບໍລິຫານງານຂອງເວທີເປິກສາຫາລືເສດຖະກິດໂລກໄດ້ກ່າວໃນເວລາໃຫ້ສຳພາດຕໍ່ນັກຂ່າວ CMG ວ່າ: ຕົນເຫັນໄປໃນແງ່ດີດີຕໍ່ສະພາບການພັດທະນາຂອງກຸ່ມເສດຖະກິດທີ່ຈະເລີນໃໝ່ໃນອະນາຄົດ ພ້ອມທັງຕີລາຄາສູງຕໍ່ຈີນທີ່ໄດ້ຊຸກຍູ້ການປະດິດສ້າງໃໝ່ໃນຂົງເຂດວິທະຍາສາດເຕັກນິກຢ່າງຕໍ່ເນື່ອງ.

      ກອງປະຊຸມວິສາມັນຂອງເວທີເປິກສາຫາລືເສດຖະກິດໂລກຄັ້ງນີ້ຕົ້ນຕໍໄດ້ສຸມໃສ່ການຮ່ວມມືແລະການເຕີບໂຕແບບຍືນຍົງຂອງໂລກ ໂດຍໄດ້ເປິກຫາຫາລືກ່ຽວກັບບັນຫາທີ່ວ່າຈະສ້າງເສດຖະກິດໂລກທີ່ມີຄວາມເຂັ້ມແຂງແລະທົນທານຫຼາຍກວ່າເກົ່າແນວໃດໂດຍຜ່ານການເພີ່ມທະວີການຮ່ວມມືສາກົນ. ກ່ຽວກັບສິ່ງທ້າທາຍແລະໂອກາດທີ່ກຸ່ມເສດຖະກິດທີ່ຈະເລີນໃໝ່ປະເຊີນໜ້າໃນປັດຈຸບັນ, ທ່ານນາງ ຊາເດຍ ຈາຮີດີ ກໍເຫັນໄປໃນແງ່ດີເຊັ່ນດຽວກັນ.